رد فعل غير متوقع من دينا الشربيني بعد اكتشاف حقيقة ’’رامز عقله طار‘‘.. وتجيب على سؤال رامز جلال ’’مين أكتر حد نفسك نعمل في المقلب‘‘ (فيديو)

كتب: ضياء السقا

حاولت الفنانة دينا الشربيني، ضرب رامز جلال في الحلقة السادسة من برنامج "رامز عقله طار" على قناة "إم بي سي مصر"، بعد اكتشافها حقيقة المقلب.

وقامت الفنانة بإلقاء رامز جلال في الماء، وعلق الفنان على رد فعل دينا الشربيني، قائلا: "عنيفة أوي البنت دي".

وسأل رامز الشربيني، "مين أكتر حد نفسك نعمل فيه المقلب ده"، لترد: "مفيش حد"، قبل أن تتراجع قائلة: "نفسي أنت اللي يتعمل فيك المقلب".

سيطرت حالة من الرعب الشديد على الفنانة دينا الشربيني، خلال كبسولة «رامز عقله طار»، فظلت تصرخ بصوت عالٍ «يا مامي.. لا لا لا .. يا رب .. يا رب .. يا رب».

فيما فتح «رامز»، أنبوبة الإطفاء في وجهها، الأمر الذي جعلها تصرخ بقوة أكثر، وقاموا بإرغامها على القفز من على اللعبة في حمام السباحة، وسقط بعدها الفنان.

وأثناء لعب دينا الشربيني بالبندقية داخل لعبة رامز جلال قام الأخير بتوجيه عدة ضربات تجاهها، لتصرخ قائلا: "أنا اتعورت... خلاص مش هلعب تاني"، وتنسحب من اللعبة.

وفور وصول دينا الشربيني لمدينة الملاهي قال رامز جلال لدينا الشربيني: "دينا وحشتينا سمعنا إنك أعدة في البيت حزينة... بلاش هبل وخليكي عاقلة ورزينة... إنتي مالك خاسة كدة ليه يا دينا مفيش حاجة تستاهل".

وتابع رامز: "معانا النهاردة نجمة رمز للكفاح عنوان للنضال أيقونة للمصابرة مشوارها مليان بالانتصارات والانكسارات... معانا النهاردة اللي عدى عدى عدى نجمة أماكن السهر وبرج حوت الفن... دينا الشربيني".

تعليقات القراء