شيخ الحارة لهاني شاكر: انت بتاع مصلحتك وسيبت بنتك "الله يرحمها" وهي تعبانة علشان الفلوس!

الموجز

علق المطرب هاني شاكر، نقيب المهن الموسيقية، على الانتقادات التي وجهها له شخصية "شيخ الحارة" بخصوص قيامه بالغناء وابنته مريضة وتعالج في المستشفى.

وقال "شاكر" خلال حواره ببرنامج "شيخ الحارة والجريئة" المذاع عبر فضائية "القاهرة والناس" ردًا على ما قاله له شيخ الحارة: أنت بتاع مصلحتك وسيبت بنتك وهي تعبانة علشان الفلوس , والله أنت فاهم غلط، والله حرام عليك ده مش مضبوط وياريت تتأكد من هذا الكلام.

وتابع:  أنا لم أغني إلا بعد وفاة ابنتي بثلاث سنوات، هي توفت عام 2011 وأنا غنيت في حفلة مهرجان الموازين في المغرب عام 2014، وأثناء مرضها عمري ما نزلت ولا سبتها، ازاي أسيب بنتي تتعالج بره وأغنى، والناس اللي طلعت الكلام الفارغ ده هتتحاسب حساب عسير، وربنا ينتقم منهم".

وفي نفس السياق أكد أنه لم يترك ابنته من أجل حفلة في باريس خلال فترة مرضها، ورد على الشائعات التي تروج لذلك، قائلًا: أنا مسبتش بنتي وهي تعبانة وعملت حفلة بعد ما ماتت بـ3 سنين، ربنا يحاسب الناس اللي قالت كده.

وبكى هاني شاكر، قائلا: أوحش حاجة في الدنيا فراق حد وبنتي معانا مسبتناش.. أصعب ابتلاء ابتلاء الأبن، موجهًا رسالة لأبنته: بحبك وحشتيني ومش بتروحي من بالي.. واولادك عرفينك وفكرينك.

تعليقات القراء