طبيب يوضح السن المناسب لصيام الأطفال.. ويحذر من خطأ شائع

كتب: ضياء السقا

أكد الدكتور أحمد أمين، استشاري طب الأطفال وحديثي الولادة، أن السن المناسب لصيام الأطفال من سن 7 لـ ٨ سنوات.

وقال أمين عبر صفحته بالفيس بوك: "ابني ينفع يصوم من سن كام ؟!! سؤال كل الأمهات بتسأله و كل الناس بتجاوب و تفتي فيه برأيها و كل واحد برأي !!".

وأضاف الطبيب أن الرأي الطبي الموثوق و التوصية الطبية الوحيدة التي وجدها هي لهيئة المستشفيات القومية البريطانية NHS:

- مينفعش طفل يبتدي يصوم لفترات طويلة قبل ما يتم ٧ - ٨ سنوات لأن في خوف من حدوث مضاعفات زي الجفاف و اضطراب الاملاح في السن الاصغر من كدة

- حاجة اهم من كدة ،، تحديد سن معين و عدد ساعات معينة للصيام مستحيل و مينفعش طبيا ،، لان ببساطة ،، اولا قدرة كل طفل جسمانيا مختلفة عن التاني - مجهود كل طفل مختلف عن التاني - عدد ساعات الصيام بيختلف من بلد و من و قت للتاني - الجو نفسه بيختلف من وقت للتاني

الخلاصة :

- طفلك أقل من ٨ سنوات ميصومش يوم كامل.

- عدد ساعات الصيام و سن الصيام الكامل بيعتمد أولا و أخيرا على قدرة طفلك، و ظروف صيامه و مينفعش تقارنيه بحد و تبصي لولاد غيرك بيصوموا قد ايه.

- دايما و أبدا تحطي في دماغك أن ربنا نفسه كتب الصيام على الناس عند البلوغ مش قبل كده.