السيسي: أنفقنا 380 مليار جنيه لتطوير القاهرة خلال 7 سنوات.. وأى إزالة تتم من أجل المنفعة العامة ننقل مالكيها لمناطق أكثر تطورًا
الموجز
شدد الرئيس عبدالفتاح السيسي، على تعويض أصحاب المنازل التي تزال من أجل المنفعة العامة، مضيفا: " أوعوا تتصورا نعمل حاجة و نزيل ونسيب الناس، بنودى الناس في مناطق تليق بيهم.. أى إزالة علشان المنفعة العامة مبتكونش على حساب الناس".
وأضاف الرئيس السيسي خلال افتتاح أكبر معمل تكرير للبترول فى مصر وأفريقيا: "علشان محدش يحاول يشتغل على الناس ويقولك هيودوكوا فين؟، أى ساكن في بيت يتم إزالته بيروح مكان محترم واكثر تطورا وبنعوض أصحاب الأملاك".
قال الرئيس، إنه تم إنفاق ما يقارب من 380 مليار جنيه على العاصمة خلال السبع سنوات الماضية، مضيفا: "القاهرة واخدة 380 مليار جنيه فى 7 سنين، غير الكلام اللى بيتعمل دلوقتي ، لو كان في خلال السبع سنين مش محتاجين نصرف الأرقام دى جوه العاصمة ، كنا هننفقه في مدينة تانية لأن العاصمة كانت هتبقى مستقرة، لكن حصل نمو مش مستقر". حسبما نشر موقع "اليوم السابع".
وأضاف الرئيس السيسي خلال افتتاح أكبر مجمع لتكرير البترول في مسطرد بمحافظة القليوبية، :"أجهزتنا والمعنيين في التخطيط العمراني مش منتبهين ومتخدين في الموقف والحياة والمشاكل اليومية التي تقابلهم، والرؤية دايما إن يكون لينا تصور ويتم تنفيذه..علشان نحل مشكلة فى شرق القاهرة عملنا 50 كوبرى".