«بقالي سنين معاكم وبشوف العجب».. السيسي للمواطن: لما تلاقي مستوى مش عاجبك وعايز تغيره لازم تبقى معايا

الموجز  

تحدث الرئيس عبدالفتاح السيسي عن تفاصيل خطة تطوير معهد ناصر لتحويله إلى مدينة طبية عالمية.

جاء ذلك خلال جلسة العدالة الاجتماعية والصحة، ضمن فعاليات اليوم الثالث والأخير لمؤتمر حكاية وطن "بين الرؤية والإنجاز" والمنعقد بالعاصمة الإدارية الجديدة، بحضور الرئيس عبدالفتاح السيسي، اليوم الإثنين.

وقال الرئيس السيسي: وزير الصحة جاب لي معهد ناصر عايز يعمل شوية تطوير يعني، قولت له لأ يا خالد، معهد ناصر هيبقى مدينة طبية عالمية، طب تتكلف كام؟ ده موضوع أنا أتصرف فيه."

وأضاف الرئيس: "كل اللي بتكتبوه وتجيبوه أنا بتعلم منه، بقرأ جرايد كتير، عشان كده حبيت أقول الكلمتين دول، عشان هو بيقول ممكن القطاع الخاص يعمل مستشفيات، أنا بقالي سنين معاكم، وبشوف العجب، لو عايزين مسار ناجز، الدولة تعمل 3/4، ويخش القطاع الخاص يعمل الباقي، عشان هو لو عملها هتاخد من 5 لـ7 سنوات، معايا هتخلص في سنتين، وأنا بأقول أنا خلصت لك المشوار تعالى دير، وأنا هشتري الخدمة"، وفقا لما نقله موقع "مصراوي".

وأكمل الرئيس السيسي: "ممكن يكون عندنا 700 مستشفى في مصر، لكن ظروف إدارتها قد تكون غير مشجعة، مش كده يا خالد، أنت بتزعل لما أقول يا خالد من غير دكتور، في تقديري ظروفنا وأنا بعترف كدولة وحكومة مش قادرة توفر الرقم المناسب لكل اللي شغال في قطاعات الدولة وعلى رأسها التعليم والصحة، عشان لما تيجي يا مصري تلاقي مستوى مش عاجبك، متقولش الحكومة بتعمل إيه؟ عشان تغيره لازم تبقى معايا، لما أغني الناس هقدر أحسن كتير من اللي مش عاجبنا دلوقتي."

ويشهد الرئيس السيسي، اليوم الاثنين، فعاليات اليوم الثالث من مؤتمر "حكاية وطن بين الرؤية والإنجاز"، والذي يعقد في العاصمة الإدارية الجديدة، بمشاركة وزراء وسياسيين وشباب وإعلاميين وممثلين عن جميع فئات المجتمع.     

ويختتم المؤتمر جلساته اليوم الاثنين، لليوم الثالث على التوالي بعد عرض الجلسات الهامة التي استعرضت إنجازات الدولة في مختلف القطاعات.