«دي إرادة ربنا».. السيسي: الدولة اللي بتقع مابترجعش

الموجز   

شارك الرئيس عبدالفتاح السيسي، في جلسة حوارية بالقمة العالمية للحكومات في إمارة دبي، استعرض خلالها التطورات التي شهدتها الدولة المصرية وتجربتها الاقتصادية خلال السنوات الماضية.

وأكد السيسي أن "أي دولة تسقط يكون من الصعب نهوضها مرة أخرى"، مشيراً إلى أن مصر لم تسقط خلال السنوات العصيبة التي مرت بها منذ 2011 "لأن دي إرادة ربنا".

وتحدث الرئيس السيسي عن تجربة مصر خلال السنوات الماضية، موجهًا التحية والتقدير للشيخ محمد بن زايد رئيس دولة الإمارات، والشيخ محمد بن راشد نائب رئيس دولة الإمارات وحاكم دبي.

وأضاف الرئيس: "احنا في مصر، بنتكلم على 2011 كبداية، بتكلم مش للمتخصصين والمفكرين، للشعوب، التجربة بتاعتنا بحكيها للناس، المتخصصين يعرفوا التجربة، لكن مهم أوي يبقى فيه وصال بينا، مصر موجودة هنا عشان تحكي حكاية حكومة مصر في 12 سنة.. قلت أبدأ بتاريخ 2011 عشان ده تاريخ حاسم وكاشف، وكانت مصر تعرضت زي دول كتير، ومحدش نجي إلا مصر، لو جيت أكلمكم، هكلمكم على التحديات المتوازية، مفيش تحدي قبل تحدي، على خط واحد، يعني معنديش أولويات، أنا عايز أجابه التحديات، مقدرش أقول أخد دي وأسيب دي".

وتابع السيسي: "التحدي الأولاني هو حالة التشرذم وفقد الأمل واليأس اللي كان بيعاني منها المصريين، ودي حالة مش وليدة 2011، دي حالة اتعملت على مصر من ناس جوة مصر، كان متهيألهم لما الدولة تقع هتبقى في إيديهم، لكن الدولة اللي بتقع مش بترجع، طب مصر رجعت ليه، دي إرادة ربنا، طب الحالة دي حلها إيه، طب فيه تحديات أخرى، أه طبعا، تحدي الطاقة".