شهيرة: أولاد الفنانين لازم يبقوا فنانين

الموجز  

ردت الفنانة شهيرة على الانتقادات التي يتعرض لها أبناء وأحفاد الفنانين، بسبب اتجاههم للمجال الفني.

وفي تصريحات لموقع "القاهرة 24"، قالت شهيرة: "كل حد له شخصيته المختلفة محدش بيمشي على خطى أهله، لكن أقدر أقول إنهم واخدين جينات الموهبة الفنية، الناس بتقعد تقول هما أولاد الفنانين لازم يبقوا فنانين؟ آه لازم يبقوا فنانين."

وعن سبب اتجاه أبناء الفنانين إلى التمثيل، أوضحت الفنانة الكبيرة: "دي بتكون جينات يعني الدكتور عادةً ابنه بيبقى دكتور، والمحامي بيحب ابنه يبقى محامي، اشمعنى بقى في الفن بيقولوا مفيهوش جينات."

واختتمت شهيرة حديثها بالقول: "بالعكس ده الفن بيتوارث لأن دي جينات غصب عن أي حد، الأولاد بيتأثروا بالجو المحيط بيهم، بالإضافة إلى إن ربهم خلق جواهم الجينات دي، لما يبقى أبوهم وأمهم وجدهم وجدتهم يعني فيه انتشار."

تعليقات القراء