عمرو أديب: فيه حاجة غلط في سوق الدهب

الموجز

قال «الإعلامي عمرو أديب» في تعليق عبر برنامجه «الحكاية»، الذي يعرض عبر قناة «إم بي سي مصر» بشأن ما يحدث في أسعار الذهب ومتابعة المواطن لها  «ليه الناس مهتمة بسعر الذهب، زاد يا نهار أبيض! .

وتابع مستشهداص بالكوميكس المتشرة على السوشيال ميديا ، قائلاً : انت عارف مرتبك يجيب كام جرام دهب! هو انتم كنتوا بتنزلوا تشتروا دهب كل يوم! دلوقتي الكلام في الدهب أكتر من الكلام عن الرز أو البيض أو الفراخ».

وأضاف الإعلامي عمرو أديب: «إيه سبب الضجة حول سعر الذهب؟! إن الجرام عدى 1800 جنيه، ما يعدي، هو ده سلعة كل يوم الصبح الناس بتشتريها، آه في غلاء وارتفاع في الذهب والدولار، هو سعر عيش ولا زيت ولا بامية».

وتابع «الإعلامي عمرو أديب»: «اللي بيحصل في سوق الدهب غير طبيعي، سعر الدهب بره مصر أرخص من مصر، في ناس بتلعب في السوق، ما تلعب، أنا عايز أعرف ما هو تأثير الذهب في حياتك؟! متضايقك في إيه!».

وأكمل الإعلامي عمرو أديب: «السعر بره مش بيزيد، السعر بينزل، مين اللي بيعمل ده، أنا أخاف أقولك تجار الدهب حاسبين الدولار بكام، أخاف ليلزق، الدهب بطيء، يوم ما يقفل قفلته والقبر، يوم ما بينام نام جنبه».

 

تعليقات القراء