«الناس في مصر اتعودت على الأي كلام».. السيسي يعلّق على تعجب البعض من تطوير بعض المناطق التاريخية بالمحافظات

الموجز   

علّق الرئيس عبدالفتاح السيسي على تعجب البعض من حرصه على إعادة تطوير بعض المناطق التاريخية بمحافظات الجمهورية.

وقال السيسي، في كلمته خلال افتتاح محور المشير فخري "فؤاد أبو ذكري" اليوم بمحافظة الإسكندرية: "الناس مستغربين ليه حريص على الحاجات دي، علشان نرجع للحُسن اللي كنا فيه، حتى محطة اسكندرية ومحطة مصر، يقولك من 100 سنة، طيب اما تبقى معانا ترجع تاني، أي حاجة بندخل فيها، إحنا بنعمل فيها حاجة حلوة".

وأضاف الرئيس السيسي: "مالكوا خايفين كده ليه، الناس في مصر اتعودت على الأي كلام، نعيش في أي حاجة، نمشي في أي حاجة".

واصل: "أول ما جينا نبدأ في المنتزه، كانت فيه ناس كتير بتقول، انتوا هتعملوا إيه؟، وفيه ناس زعلت وقالت احنا موجودين بقالنا سنين وهتحرمونا؟، متابعا:"مش هنحرم حد أبدا، المتنزه مفتوحة لكل الناس، مافيش حد هيبقى ليه حاجة بما فيهم انا، الشاليهات اللي كانت موجودة، كانت بتستخدم أسبوع أو اتنين في السنة، دلوقتي مفتوحة للكل.

وتابع السيسي: "روحنا المنتزه لقينا كل حاجة خلصت، قصر السلاملك كان هينهار، عاوزين نرجع كل حاجة زي ما كانت، دا تاريخنا، ان شاء الله مش هنعمل إلا كل خير لمين، للناس اللي في مصر".​