«زي المدرسة الرسمي تحول إلى إسدال» .. مراسلة الحكاية : بيلبسوه من 2014 .. عمرو أديب: البنات بتروح بالحجاب العادي وده طبيعي لكن إيه السواد ده!

الموجز
أخبار مصر
2022-11-07 23:44

الموجز

علق الإعلامي عمرو أديب خلال حلقة اليوم من برنامج الحكاية على انتشار صورة لزي مدرسي في مدرسة فتيات بالإسدال الأسود ، حيث قال أديب  الكلام الجاي ده مالوش علاقة بالحجاب

قال أديب لما يكون في مدرسة في مصر ، الطلبة فيها البنات لابسين لبس مش موجود في الثقافة المصرية .

وتابع : مش هو ده شكل الحجاب اللي بنلبسه ، مش هو ده شكل التحشم المصري .

وأضاف : دي طريقة تربية ، انت بتطلع ايه ؟

وعرض عمروي أديب ، الزي المثير للجدل على الشاشة قائلا : ده شكل مدرسة في مصر ، دول بتعلمهم ايه ؟ دول هتطلعهم ايه ؟

اللي يتحجب يتحجب واللي يلبس يلبس واللي يقلع يقلع .

وتسائل : فين وزارة التعليم ، دول بيفكروا ازاي ، هيربوا عيالهم على ايه ؟

وأوضح : أنا بتكلم على مدرسة في مصر ، في الدقهلية .

وأضاف : ألا أجد فيكم شخصاً رشيداً ! عقل البنت دي هيبقى عامل ازاي ؟

وكشفت مراسلة برنامج الحكاية ، أن أولياء أمور الطالبات أكدوا أنهم قرروا أن يكون زي أبنائهم بهذا الشكل .

وتابعت : أن التعليم تحركت وفتحت تحقيق عاجل لأن الزي مخالف للكود التعليمي .

وأكدت مراسلة الحكاية ، أن المدرسة حاصلة على جائزة دولية ، وأن الزي الخاص بالمدرسة هو بهذا الشكل من 2014 .

مفيش حد من الوزارة راح

وعلق عمرو أديب قائلا : مالفتش نظركوا إن فيه حاجة غريبة؟ مفيش حد من الوزارة راح.. مش دي العفة! 70% من البنات بتروح بالحجاب العادي وده طبيعي لكن إيه السواد ده.. عمرو أديب عن مدرسة الإسدال بالدقهلية

 

تعليقات القراء