«كتير من اللى قاعدين هنا».. السيسي: فيه خبراء اقتصاد رفضوا يمسكوا الوزارات في 2014
الموجز
تحدث الرئيس عبد الفتاح السيسي عن التعاون لحل مشاكل الدولة المصرية.
وقال الرئيس السيسي: "كتير من اللى قاعدين هنا.. وناس اقتصاديين.. في بداية 2014 التقيت بهم.. وقولت لهم تحبوا تيجوا تمسكوا الوزارة.. قالوا لا.. احنا لينا تاريخ.. مستخسر تاريخك في بلدك.. انا مش بلوم حد والله ما بلوم حد.. احنا نعرف يعني إيه الحال ده ننجح ولا لا.. خلينا بعيد".
وأضاف السيسي، في كلمته خلال الجلسة الختامية للمؤتمر الاقتصادي "مصر 2022" اليوم الثلاثاء،: "حد تاني قالى هتديني كام؟.. انا باخد 2 مليون في الشهر.. قولت له مش هقدر.. قالي سبني بعيد وانا أي نصيحة هقولك عليها".
وتابع السيسي: "اللى بتكلم فيه في صلب المؤتمر الاقتصادي.. وصلب الحوار الوطني.. عاوزين نشوف بعض ونتكلم حتى لو فيه اختلاف.. طب انا حلت موضوع الموانئ والبينة الأساسية بحاجة تانية.. حد يقولي اطرح القطاع الخاص والأجانب يعملوا ده.. أنا معاك .. بس مفيش وقت اتأخر أكثر من كده.. ومفيش 10 و15 سنة إنى اطرح واستني.. إللى اعرف اعمله أنني أعمل انا.. طب بقت موجودة.. إللى عاوز يتفضل.. لكل الناس بما فيها شركات الجيش.. وشركات الدولة مطروحة ايوه.. ده فرصة للكل".
وتختتم اليوم الثلاثاء، فعاليات "المؤتمر الاقتصادي - مصر 2022"، الذي يعقد لمناقشة أوضاع الاقتصاد المصري ومستقبله، وذلك بمشاركة واسعة من كِبار الاقتصاديين والمفكرين والخبراء المتخصصين.