السيسي: كل قرش بعد 1967 كان اقتصاد حرب لصالح الكرامة.. وكنا ممكن نعمل كده وكان مبرر

الموجز   

أكد الرئيس عبدالفتاح السيسي أن العمليات الإرهابية والتي ارتقى على إثرها الشهداء من الضباط والجنود، كانت تستهدف كسر المصريين.

وقال السيسي، في كلمته التي ألقاها خلال فعاليات الندوة التثقيفية للقوات المسلحة الـ 36 "إرادة وطن"، بمناسبة ذكرى انتصارات أكتوبر، اليوم الثلاثاء، "دفعنا وبندفع ثمن كبير أوي.. مش أنا اللي دفعته ولا الحكومة لكن الدولة كلها.. ومش مناسب حد يقولي أنا ذنبي إيه .. دي بلدنا ولازم نخلي بالنا".

وأضاف الرئيس: "أول مؤتمر عمله الرئيس مبارك الله يرحمه كان مؤتمر اقتصادي في 1982.. بعد ما اطمأن وكان فاضل مشكلة طابا بس لكن الأرض رجعت وتم رفع العلم.. (المؤتمر) كان بعد 15 سنة من 1967".

وتابع: "كنا ممكن نقول إحنا بنحارب الإرهاب ومش هنعمل حاجة.. ونحشد والإعلام يتكلم في القضية كل يوم.. كل قرش بعد 1967 كان اقتصاد حرب لصالح الكرامة والكبرياء ولصالح النصر اللي بنحتفل به".

وأكمل الرئيس السيسي: "كنا ممكن نعمل كده وكان مبرّر.. لكن اللي بيعمل إرهاب هدفه إن البلد دي تعجز أكتر وتتخلف أكتر وإحنا مش هنمكنه من ده وهنبني بقدر ما ربنا يقدرنا".