هيئة الطرق: تركيب كاميرات لمراقبة سرعة السير أعلى الطريق الدائري

الموجز

قال اللواء حسام الدين مصطفى، رئيس هيئة الطرق والكباري، في تصريحات صحفية ، أنه يجري حاليًا تركيب أعمدة تحمل كاميرات لمراقبة سرعة السير أعلى الطريق الدائري، مضيفًا أن تلك الكاميرات ستكون مهمتها رصد سرعة السيارات والمركبات أعلى الطريق.

وأضاف رئيس هيئة الطرق والكباري ، أنه جاري الانتهاء من تركيب الكاميرات بشكل كامل أعلى الطريق الدائري في أقرب وقت، موضحًا أن السرعة القصوى أعلى الطريق الدائري ستكون 90 كيلو متر في الساعة.

اشتغلنا بخطة متكاملة

وتفقد الرئيس عبدالفتاح السيسي، اليوم الجمعة، أعمال تطوير منطقة كورنيش المقطم بمحافظة القاهرة، وتحدث مع القائمين على المشروع في عد محاور.

وقال الرئيس في فيديو بثته الصفحة الرسمية لرئاسة الجمهورية في موقع التواصل "فيسبوك": "اللي يهمني أن الناس في مصر تعرف، وخصوصًا القاهرة، أننا اشتغلنا بخطة متكاملة، إحنا حلينا فيها أزمة العربيات حتى 5 أو 10 سنين مقبلة، الناس بس لازم تسمع وتعرف، إننا لما نيجي نتكلم على الطريق الدايري، اللي هو بيربط بين شرق وغرب القاهرة، لما خلصناها كلها بالكامل من خلال 16 محورًا، استطعنا ربط شرق القاهرة، بغرب الطريق الدائري بالكامل".

وأضاف الرئس: "الكلام ده لو مكنش اتعمل، كانت القاهرة أصيبت بالشلل الكامل، وحجم اللي اتعمل كان بتكلفة كبيرة لكن في النهاية، نجحنا في توفير وقت الناس، وتقليل التلوث، وتوفير الوقود، وفي تيسير الحركة على الناس".

وتابع الرئيس: "لما خلصنا القاهرة الجديدة، ثم محاور الربط، ثم غرب الدائري، دخلنا كمان في اتجاه الجنوب، لكن الجنوب زحمة، المقطم فيه كتلة سكانية كبيرة، لكن في فرق أنها بتتحرك ببطئ شديد أو بتتحرك بإنسيابية".

وأوضح الرئيس السيسي: "كل ده بيعمل حاجتين، بنكمل ربط وسط القاهرة بشرق القاهرة، إحنا كدة شغالين في غرب القاهرة والجيزة، في النهاية الكتلة جوة القاهرة، نتيجة حجم المحاور، اللي بتتيح للناس الحركة".

ووجه الرئيس حديثه للعاملين في المشروع: "انتوا لازم تتكلموا مع الناس، أنهم لا يتعجلوا النتيجة، لما المشروعات خلصت الناس حست بالفرق، قولوا للناس اتحملونا، وإحنا بقدر الإمكان هنخلص في أسرع وقت ممكن".

واختتم الرئيس: "انهاردة عملت محور جديد، يقدر المواطن يدخل منه لغاية القاهرة الجديدة من المقطم، الطريق ده حاجة تانية خالص، أنا بقول الكلام ده، لأن مبيبقاش في فرصة أقول الكلام ده بالتفصيل، هيبقى في فرص عمل، وخدمات للناس الموجودة، وسعوا على الناس، واعرضوا عليا تقرير شارع 9 لما يتعمل".