شكوى من زوج : مراتي مصممة تكون أمها موجودة ليلة الدخلة .. مبروك عطية يرد

الموجز

رد الدكتور مبروك عطية، العميد السابق لكلية الدراسات الإسلامية جامعة الأزهر فرع سوهاج، على سؤال ورد إليه من أحد المتابعين نصه: مراتي مصممة تكون أمها موجودة ليلة الدخلة ومتجوزها بقالي شهر ولحد دلوقتي مش عارف أمارس حقوقي الشرعية؛ لأنها كل مرة بتعيط وعايزة أمها جنبها فما رأي حضرتك.

وقال مبروك عطية، خلال مقطع فيديو بثه على قناته على يوتيوب: من الحكمة التي تعملتها من كتاب ربنا إني لا أتسرع وأقول، أمها ايه اللي تبقى معاها وعيب وميصحش كدا، متابعًا: لا بأس كتكوكة صغيرة عايزة تطمن لوجود أمها معاها.

وأضاف مبروك عطية: وماله تنور أمها وتشرف وتقعد في غرفة مجاورة، والبنية تبقى مستأنسة بأمها وتعدي الليلة البيضا ايه المشكلة، هي مرتبطة بأمها والموضوع دا قلق بالنسبة لها وخوف ويا مامي.

وتابع مبروك عطية: لما مامي تيجي هتقولها متخفيش يا حبيبتي وكلنا كدا مفيش حاجة، وهتسليها وتصبرها لغاية ما تعدي وساعتها هتقول على أمها قاعدة ليه ومضيقة علينا ليه ومكتمة علينا ليه.

واختتم: عالجوا الحياة، الحياة عايزة معالجة، فلو عايزة ماما روح هات ماما بأوبر أو بتوكتوك مش بالموبايل حتى، ساعتها هتقابل ماما وهتاخدها في حضنها وهتقولها عايز يعمل قلة أدب، لكن هتفهما وتقولها دا شرع ربنا وهتفهما والدنيا هتعدي احنا عايزينها تعدي.

تعليقات القراء