اختبئت وفتحت كاميرا لإنقاذها من زوجها .. «إستغاثة زوجة مصرية» تشعل فيس بوك .. صوته ظهر وهو يقول: صلي على النبي وافتحي نتكلم .. صديقتها: رماها في الشارع حافية

الموجز

فتاة مختبئة فى غرفة من زوجها وفى وجهها آثار للجروج مطلقة صرخات "الحقونى" ذلك المشهد فى بث مباشر ظهرت فيه زوجة تدعى حياة عبر حسابها على فيس بوك لتستغيث من عنف زوجها أثناء خناقة لها معه ظهرت فى البث.

بينما صوت الزوج مسموع فى الفيديو تخاطبه "حياة" باكية وفى حالة انهيار: لو هتسبنى أنزل من الشقة هفتح الباب..أنا مش خارجة من هنا غير ما حد ييجى هنا ياخدنى وواصلت بكاءها: "أنا مش خارجالك أنا مفيش حتة سلمية فى جسمى"

بعد البث انتشر هاشتاج "أنقذوا حياة" على مواقع التواصل، ورغم ذلك لا يوجد حتى الآن تحرك قانونى من الفتاة أو أسرتها ولم يتقدم أحد ببلاغ حول الواقعة.

وتداول البعض محادثات بين حياة وأصدقائها الذين طالبوا بإنقاذها فى منشوراتهم واحدة منهن قالت: حياة متزوجة من 3 شهور واتفاجئنا الساعة 4 الفجر بـ live وهى مضروبة وبتصرخ وعايزة حد يساعدها.

أضافت: "الباشا جوزها كان بيضربها وهو سكران ورماها فى الشارع من غير ما تلبس حاجة فى رجلها وواخد كل حاجتها وبيهددها أنه هيقتلها عشان ملهاش حد"

وظهر صوت الزوج يقول: ممكن طلب افتحي الباب لو سمحتي نتكلم بعد إذنك .

وردت زوجته : اتكلم واحنا كده

وشدد الزوج لزوجته قائلاً : وحياة ربنا ما هتكلم صلي على النبي وافتحي .

منشور للفتاة منذ شهور لصورة لها مع زوجها خلال رحلة قبل ركوب الطائرة

منشور للفتاة كتبته إحدى صديقاتها جاء فيه :

حياه اتجوزت من ٣ شهور صالونات # محمود ابو اليزيد
، واحنا ك اصدقائها اتفاجئنا الساعة ٤ الفجر ب live منها وهي مضروبة وبتصرخ وعايزة حد يساعدها
والباشا جوزها كان بيضربها وهو سكران ورماها في الشارع منغير ما تلبس حاجة في رجلها وواخد كل حاجتها وبيهددها انو هيقتلها عشان ملهاش حد وايا كان هو هيشوف الكلام ده او ميشفهوش ف هي ليها أهل صحابها وانت اخرتك الحبس وهتتجازا علي الي عملته في بنت الناس المحترمة الي مشوفتش منها حاجة وحشة حقها هيرجع و حسبي الله ونعم الوكيل فيك المسألة مسألة وقت وهيتمسح بكرامة اهلك الي معرفوش يربوك الارض انت حياتك نهتها ب ايدك والي انت استقويت عليها عشان فاكر ان ملهاش ربنا صخرلها ناس تقف في ضهرها وربنا ما بيرضاش بالظلم والي عملتو فيها هيتردلك اضعاف بس بالقانون