السيسي: «لو فيه فساد عايزين تواجهوه.. البشر مايتعاملش غير مع مكن»

الموجز   

قال الرئيس عبدالفتاح السيسي: "أنا قولت للدولة من حوالي 4 سنين لو تقدروا تعملو ميكنة كاملة لمصر لكل الأنشطة بتاعتنا علشان نحيد العامل البشري وإجراءاته، ولو عاوزين 100 مليار جنيه ندفعهم، وحد يقولي تدفع 100 مليار جنيه في ميكنة؟".

وأضاف السيسي: "ندفعهم لأنه دولة زي مصر فيها 100 مليون شخص والعمل لو مميكن ميكنة كاملة حجم اللي بتشوفوه وتعانو منه مش هيبقى موجود"، مضيفاً: "لو فساد عاوزين تواجهوه بجد مش هيتواجه غير بكده.. إن البشر متتعاملش غير مع ماكينات".

وأضاف الرئيس السيسي: "اتكلمنا قبل كده إنه النظام ده مدام ماشي في كل العالم مندخلهوش عندنا ليه، اللي هو بيخاطب الشركة المصدرة والقائم بعملية الاستيراد يبعتولنا الشحنة قبل ماتيجي وندي الموافقة عليها أو لأ قبل ما تتشحن من أصله، بدل ماتيجي وتتحط عندي في الميناء وتتساب وأتحمل مسئوليتها".

وتابع: "البضاعة قبل ما تتشحن من البلد المصدر يكون المستورد عارف إنه البضاعة مش هتدخل وبالمناسبة مش هتنزل على الميناء أصلا.. الإجراء قد يكون صعب، ولكننا بنعمل إجراءات الدول المتقدمة بتعملها ومش هنبقى عجبة".

وأكد الرئيس السيسي قائلاً: "إحنا بنعمل اللي غيرنا سبقنا وعمله وإحنا بنحاول نحصله علشان نسهل على الناس ونضمن إنه الحاجات اللي بتخش بلدنا طبقا للمعايير ولو في حاجة فيها مخاطر مخدرات وغيرها هنسيطر عليها".

يأتي هذا على هامش تفقد الرئيس السيسي لأعمال تطوير ميناء الإسكندرية البحري اليوم الثلاثاء.