6 شهور كتير.. قرار جديد من السيسي بشأن مدة وقف البناء والاشتراطات الجديدة

كتب: ضياء السقا

وجه الرئيس عبدالفتاح السيسي، الدكتور مصطفى مدبولي، رئيس مجلس الوزراء، بضرورة الانتهاء من إقرار الاشتراطات البنائية الجديدة قبل مهلة الـ 6 أشهر التي تم الإعلان عنها من قبل.

وقال السيسي، خلال افتتاح مشروع مجمع التكسير الهيدروجيني في مسطرد، اليوم الأحد: قولنا اشتراطات البناء والدنيا واقفة.. 6 شهور كتير لو سمحتم خلصوا اشتراطات البناء واعلنوها للناس والمسار الجديد الذي ينظم عملية البناء في الشكل الجديد علشان تتحرك الدنيا.

وتابع الرئيس: لما قولنا منظومة جديدة ده معناه إن عندنا عيب في النظام، خلى الدنيا كده، بصوا كده، كتير من بلدنا بالطريقة دي، النظام اللي كان قبل كده كان محتاج يطور.

وأكد الرئيس السيسي، أن قرارات الإزالة التي تقوم بها الدولة لا تتم بدون دراسة.

وتابع السيسي في كلمته خلال افتتاح عدد من المشروعات البترولية في مسطرد: «أي إزالة تتم تتم بدراسة، اوعوا تتخيلوا إننا بنزيل ونسيب الناس، لا إحنا بناخد الناس نعيشهم في أماكن أفضل».

وأكمل السيسي: «نحن نعمل من أجل راحة الناس، احنا بنرحم الناس بحركة كويسة وسهلة دائماً».

 

وأضاف الرئيس: «هو ده الحال نصلحه ولا نسيبه؟.. نصلحه..طب هنصلحه على حساب الناس ولا حساب الدولة؟، أنا براهن دايماً على الناس، أنا دلوقتي بشكر المصريين، قعدوا يولعوا الدنيا بيستغلوا المواقف الصعبة التي نمر بها في الأسبوعين اللي فاتوا، طب إما نعمل أو نسكت، هما دايماً بيختاروا الظروف الصعبة علشان يشككوا المصريين في اللي بنعمله وأن ده على حسابهم وضدهم، بس أنا بقول دايماً الرهان على المصريين إنكم متفهمين ومقدرين اللي بنعمله وبتتحملوا كمان».

تعليقات القراء