’’لو شوفته هقتله‘‘.. والد محمد علي عن نجله: ’’شتمني وقالي هاضربك بالجزمة

كتب: ضياء السقا

قال علي عبد الخالق، والد المقاول الهارب محمد علي إن نجله مريض شهرة وابن عاق، ونفخت فيه جماعة الإخوان الإرهابية ليتصدر المشهد.

وفي حديثه لـ"اليوم السابع"، أكد: "صدقوني ابني مريض شهرة ومتخلف عقلياً لأن مفيش واحد يقول على المتظاهرين اللى عايزهم ينزلوا يتظاهروا بقر يبقى مش سوى واللى يسمع كلامه يبقى متخلف زيه لأن الإنسان المحترم تحترمه الناس لكن محمد يعتبر بلونة حجمها كبير ودبوس واحد هايفجرها".

وعن رد فعله إذا رأى نجله، قال: "لو قابلته هاقتله، ومصيره سيكون الإعدام، محمد إبن عاق لأن مفيش إبن يقول على والده "هاضربك بالجزمة" فلما يقول للناس يا بقر بالنسبة لأخلاقه ماتعتبرش شتيمة".

وروى على عبد الخالق قصة خيانة نجله: "محمد نقطة ضعفه الحفلات والسهرات وفى مرة قالى ماتيجى يا بابا تقعد معايا في أسبانيا فرفضت وتحجج بإن فيه شغل أفضل من مصر فنصحته بإنك مستقر أصلا ولديك أعمالك في مصر لكن تغير النشاط في هذه الفترة مش في مصلحتك، قالى خلاص يابابا أنا راجع بعد ما أبيع الحاجة في أسبانيا فأرسل في طلب أبنائه لقضاء عيد الأضحى وبعد إنتهاء فترة الأجازة فوجئت بالكارثة".

وتابع: "محمد كان شغال مع القوات المسلحة وهذه مؤسسة ليس عليها أي غبار وبعد 16 عاما من الإلتزام ومشاريع ناجحة لأن القوات المسلحة ليس لديها أي إستثنائات في عملها ولهذا إستمر في العمل معهم طوال هذه الفترة بدون أخطاء".

وواصل: "بالنسبة للفلوس اللى محمد بيقول إن ليه عند الجيش فالكلام ده مش حقيقى ده بس عشان ياخد تعاطف الناس لكن القوات المسلحة مابتبقيش جنيه واحد لأى حد بالعكس هو مديون للجيش  لأن الشغل اللى كان فاتح فيه سابه وهرب وهو واخد فلوسه لأن السفر جاء بلا مقدمات وعندما سافر قال للجميع أنه سافر عشان يعمل فيلم في برشلونة بعدها إشترى فيلا هناك وبعد إنتهاء الفيلم بداء بعض الناس يحاولوا يضحكوا عليه ويقولوله إعمل فيلم إنتاج مشترك بين مصر وأسبانيا عشان يقدروا ياخدوا منه فلوس".

 

تعليقات القراء