أول فيديو لليوتيوبر عمرو راضىي بـ "العكاز" بعد مرضه: خلى بالكوا من نفسكوا


 

ظهر اليوتيوبر عمرو راضى، فى فيديو جديد، بعد تعرضه لوعكة صحية، إذ انتشرت على السوشيال ميديا قبل عدة ساعات، صورة وهو يحمل أشعة، ويسير على عكاز، بعدما توفى صديقه اليوتيوبر مصطفى الحفناوي.

ونشر  راضى ، عبر حسابه على "انستجرام"، فيديو يقول فيه، "شكر الله سعيكم جميعا .. وماتشوفوش وحش فى عزيز ولا غالى .. الموضوع صعب عليا، ماكنتش عاوز أظهر بالشكل ده،  بس الناس اللى بتضغط عليا وتليفونات ورسايل كتيرة .. الموضوع مش سهل"

وقال راضى باكيا، "ربنا يرحم مصطفى.. انا تمام وكويس .. انا تعبان شوية بس حالتى مش خطر .. عندى ديسك فى ضهرى علشان كده ماسك العكاز .. انا بشكر كل الناس .. كل الكلام اللى اتقال عنى على راسى من فوق .. خلى بالكوا من نفسكوا .. وكل اللى طالبه أنكوا تدعوا لمصطفى .. ماكنتش متخيل أنى فى يوم من الأيام أطلع وأقول كده.. وديه سنة الحياة".
 

وعلق عمرو راضى ، على الفيديو قائلا، "مفيش حاجه ممكن توجع قلبي وتاخد روحي .. زي حزني عليك مع السلامه يا حبيبي .. بس عايزك تعرف إني بشوفك ف كل مكان .. وكل حاجه بتفكرني بيك .. وشك مبيفارقنيش.. مكانك جمبي فى العربيه .. كرسيك قدامي ف القهوة، الاكل اللي بنروحله .. الرغي قبل ما ننام .. كل الصور .. كل الاماكن ..كل البيوت .. كل الهزار ..كل التفكير ف الماضي والمستقبل ..صحابنا ..كل حاجه بتفكرني بيك .. حقيقة أن جسمك فارقني الهروب منها صعب .. بس المستحيل الوحيد أن روحك تفارقني لحظه ..اتعودت عليك وعلى يومي معاك سبنا أهالينا وعشنا مع بعض .. رجعتني بيتي لوحدي زي العيل الصغير اللي تاه من أمه فى سوق كبير مليان ناس .. فاكر كلامنا وفاكر أحلامنا وأوعدك هحققلك كل اللي كان نفسك فيه! و هشيل صورتك ف كل خطوه زي م شيلتك على كتفي...وحشتني يا عشرتي وونسى"

 

 
 
 
 
 
 
 
 
 
 
 
 
 

بس عايزك تعرف إني بشوفك ف كل مكان .. وكل حاجه بتفكرني بيك .. وشك مبيفارقنيش مكانك جمبي ف العربيه .. كرسيك قدامي ف القهوه .. .. الاكل اللي بنروحله .. الرغي قبل م بننام .. كل الصور .. كل الاماكن ..كل البيوت .. كل الهزار ..كل التفكير ف الماضي والمستقبل ..صحابنا ..كل حاجه بتفكرني بيك .. حقيقة ان جسمك فارقني الهروب منها صعب .. بس المستحيل الوحيد ان روحك تفارقني لحظه ..اتعودت عليك وعلى يومي معاك ف سبنا أهالينا وعشنا مع بعض .. رجعتني بيتي لوحدي زي العيل الصغير اللي تاه من أمه ف سوق كبير مليان ناس .. فاكر كلامنا وفاكر أحلامنا وأوعدك هحققلك كل اللي كان نفسك فيه! و هشيل صورتك ف كل خطوه زي م شيلتك على كتفي...وحشتني يا عشرتي وونسي.

A post shared by Amr Rady (@amrrady14) on

تعليقات القراء