«فيه مؤامرة عليا ونفسي أجرب سجن النساء».. أبرز تصريحات شيرين عبد الوهاب مع عمرو أديب بشأن أزمتها مع روتانا

الموجز  

تشهد الساحة الفنية خلال الأسابيع الماضية، أزمة كبيرة بين المطربة شيرين عبدالوهاب، وشركة روتانا.

واشتعلت الأزمة خلال الساعات القليلة الماضية، بعد مداخلة شيرين عبدالوهاب مع الإعلامي عمرو أديب في برنامج "الحكاية"، حيث تم الكشف عن الكثير من الكواليس.

وتحدثت شيرين عن أزمتها مع روتانا، وذلك بعدما قامت الشركة بحذف 4 أغاني للفنانة مؤخرًا.

وانفعلت الفنانة على الهواء أثناء حديثها عن الشرط الجزائي والتعويضات للشركة، حيث قالت: «شغلي مش هدية لحد ده رزقي ورزق عيالي، مش كفاية واخدين منى 8 مليون جنيه بالغلط، دي فلوس عيالي يافندم».

وأضافت شيرين: «آخر تليفون حصل بينى آنا وتوني سمعان، لما يئست من الدنيا واللى فيها، وكلمته قولتله قول للأستاذ سالم ياخد كام ويحل عنى وترد عليا خلال 24 ساعة، رجع برد يحرق الدم ومتفقين عليا، قالي استاذ سالم بيقولك عايزين الشرط الجزائي وتعويض، ونولت الأغاني ومش هتكلم عنها».

وأكدت شيرين أنها لم تتصالح مع شركة روتانا، معربة عن استيائها الشديد من التعامل مع الشركة، وما حدث لها خلال الفترة الماضية، وحذفت أغانيها من المنصات بشكل متعمد.

وتابعت في مداخلتها الهاتفية مع عمرو أديب: «تواصلت مع توني سمعان موزع روتانا، وطلبت منه أن يأخذ منها الأغاني، ولكن رفضوا استلام الأغاني».. «مش عايزين يستلمو الأغاني، عايزين شيرين عبدالوهاب حصري، مهما روتانا عملت هنزل الأغاني على البوتاجاز، والنجاح اللى أنا فيه دلوقتى الفضل فيه يعود للناس».

وكشفت الفنانة: «روتانا عايزة شيرين عبدالوهاب حصري بالحفلات».

وأضافت: «الفلوس اللي هما دافعينها لي، أنا باخدهم في حفلة، عشان كده هما عايزين شيرين حصري لحفلات اللايف».

وأوضحت شيرين: «الأغاني كانت جاهزة وخلصانة مسلموهاش ليه، قسما بالله أن روتانا امتنعت عن استلام الأغاني، عشان عايزين شيرين حصري في الحفلات وده مكنش اتفاقنا يا أفندم».

وأكدت: «فيه مؤامرة عليا عشان أقعد في البيت، وصوتي مش هينقطع أبدا»، مضيفة: «هفضل أغني وهفضل راكبة القطر بتاعي، ومفيش حد هيقدر يوقفه، أنا سكت كتير».

وأوضحت شيرين: «بناقش القضاء المصري زي ما اتحكم لهم بالغلط أنهم ياخدوا مني 8 مليون جنيه لكن مش مشكلة أنا فلوسي كتيرة»، متابعة: «بناشد القضاء المصري أن القضايا اللي رفعاها يتحكم فيها بسرعة».

وواصلت: «أنا فلة شمعة منورة، واللي مشيني ومنجحني هو ربنا، ومش محتاجة شركات»، مضيفة: «ربنا يخلي جمهوري ليا اللي بيعمل كل ده ليا، من غير شركات، أنا مش هبقى حصري لحد تاني».

وتابعت: «دفعت لنصر محروس من 15 سنة 3 ونص مليون جنيه دفعتهم شرط جزائي ومشيت، والكل يلزم حده ومحدش يجيب سيرتي».

وأكملت شيرين: «جمهوري كبير أوي أوي، وهو اللي هيوقف لهم، وكل الناس اللي تكلموا مبصوش في ورقة».

واستطردت الفنانة: «يا ريت تخليني أقفل، عشان مش عايزة أقول حاجة تخليهم يمسكوا عليا حاجة، وأنا سجن النساء وحشني جدا، ونفسي أجرب تجربة سجن النساء دي».

ورد الإعلامي عمرو أديب بالقول: «هو أنتي ناقصة يا بنتي، سجن إيه يا شيرين، ليه ده كله؟ أنتي ممكن تبقى ملكة زمانك وتعملي فلوس قد كده».

كما وجه أديب رسالة للفنانة شيرين بعد حديثها عن أمنيتها في زيارة سجن النساء بعد خلافها الأخير مع روتانا.

وقال أديب: «سجن إيه يا بنتي، هو أنتي عايزة على طول يبقى فيه مصايب، انبسطي أنتي لسه صغيرة».

وأضاف الإعلامي: «أنتي تعبتي كتير، من حقك تنبسطي بشبابك وبفنك وبأولادك»، موضحا: «موضوعك مش هيخلص غير قانوني، وشيل ده من ده يرتاح ده عنده».