«بتسرق علني وبيتفتح عليا بالمفتاح وانا في سابع نومة».. فريدة سيف النصر تثير قلق محبيها
الموجز
أثارت الفنانة الكبيرة فريدة سيف النصر قلق جمهورها ومتابعيها، بعدما كشفت عن تعرضها للسرقة من قبل السيدة التي تساعدها في المنزل.
وكتبت فريدة منشورا عبر صفحتها الخاصة بموقع "فيس بوك"، قالت فيه: "أنا بتسرق بقالي شوية حلوين، لما يكون عندك حد نافعك اوي لأن مش اي حد يحب الكلاب، وانت كل شوية حاجات بتتاخد بجد مش هزار وحاجات باينه أوي يعني هدوم مش أي حاجه لازم ينقصوا يتاخدوا على نصين مرتين واختفاء قسري، ترجع ترمي لك نص فاتتهيل انك انت اللي مادورتش وفجأه اختفاء كامل".
وأضافت الفنانة: "ده بقى غير مفروشات قسما بالله اطقم كامله بمخداتها ونظارات اكسسوار جزم ادوات مطبخ كامله والله العظيم ما بقي في حاجه كامله خالص أول بأول".
وتابعت: "ومافيش حد تاني بيعمل الحاجات دي خالص عشان تشك في اتنين أول ماتغير مكان حاجه بحجة النظام اعرف إنها هتاخدها أو تلخبط الإدراج وكله يتكعبل في كله، أما أنا فانشغل في حاجات وحاجتي فعلا تختفي أعمل إيه، اواجهها وأنا مابحبش أحرج حد واجرحه ولا أمشيها واحتاس ودول عائلة كاملة نافعاني سواق نظافة ام مني غسيل، ولا اروح عندهم على غفله زي ماقالولي، وطبعا مش ممكن أبدا أعمل كده بس بجد زهقت ومحتارة".
واختتمت فريدة سيف النصر منشورها قائلة: "سرقه علني وطبعا بيتفتح عليا بالمفتاح وانا في سابع نومه، ومع الأسف بدي الأمان لكل الناس، تعبت والله تعبت حسبي الله ونعم الوكيل، قولولي اعمل إيه؟".
