ده مش نقد دي قلة أدب.. كريم العدل يهاجم محمد طاهر بسبب مرعي البريمو
انتقد المخرج كريم العدل، البلوجر محمد طاهر، بعد هجومه الحاد على فيلم مرعي البريمو للفنان محمد هنيدي.
وأعاد كريم العدل نشر مقطع فيديو لمحمد طاهر وهو يتحدث عن فيلم مرعي البريمو، وعلق على حسابه بالفيسبوك: ده مش نقد.. ده اسمه قلة ذوق وعيب، والعيب مش عليه لوحده.. أي فنان ممكن يعمل فيلم أو اتنين أو أكتر وحشين، وممكن مايعجبكش وده حق أصيل لأي شخص.
وتابع: و تقدر تنتقد الفيلم بأبشع الطرق.. لكن تغلط و تجرح في الناس سواء ممثل أو مخرج أو ايا كان، دي اسمها قلة أدب.. و لو النقابات الفنية ماتصرفتش ووقفت هذا الشخص عند حده، اللي قاعد ياكل عيش بشتيمة الفنانين و الفنيين في كل فيديو من اللي بيعملهم.
واختتم: يبقى مليون عيب علينا احنا كمان.. و عيب اكبر كمان على النقاد الكبار، اللي ساكتين على أن الشخص ده يتقال عليه ناقد فني، وقلت قبل كده ان الصحفيين و المذيعين اللي كانوا بيستضيفوا البني ادم ده و يسموه ناقد فني، هما اللي هيوصلونا للحتة دي.. و اهه حصل.
وفي وقت سابق، هاجم البلوجر الفني الشهير "محمد طاهر" ، الفيلم الجديد لمحمد هنيدي "مرعي البريمو" .
حيث أكد طاهر في مقطع نشره عبر قناته الرسمية على موقع يوتيوب ، أن النجوم لا يتقبلون النقد وتسببوا في اغلاق صفحات هاجمت افلامهم .
وتابع طاهر ، أن الأمر وصل لحذف الفيديوهات التي تنتقد الأعمال السينمائية .
وعن مرعي البريمو ، وصف طاهر "فريق العمل" بأنهم لو اجتمعوا لعمل اعلان "سينا كولا" سيكون أفضل من انتاج هذا الفيلم الضعيف.
وعن أسباب فشل الفيلم ، أكد طاهر أن الإستعانة بشباب "ستاند اب كوميدي" وصناع محتوى ساخر في الكتابة الدرامية والسينمائية هو أكبر خطأ .
وفيما يلي بعض تصريحات طاهر عن فيلم مرعي البريمو وأداء الممثلين في الفيلم :
بقى هو ده الدور اللي هيرجع غادة عادل ؟ أكيد يقصد رجوع غادة عادل لمجدي الهواري وتبطل تمثيل عشان اللي بتعمله ده ما يرضيش ربنا .
ليه محمد هنيدي يعمل في لطفي لبيب كده ، لا دور مهم ولا وجود على البوستر .
انجي علي طالعة صعيدية بتتكلم صعيدي زي ما الإكتئاب بيقول .
غادة عادل شوية تتكلم صعيدي وشوية فلاحي المهم السبوبة تمشي .
الفنان محمد هنيدي بعد ما بعد عن التمثيل بقى بيضحك في تويتر ، دلوقتي لا بيضحك في التمثيل ولا في السوشيال ميديا .