«إعتزال ميريهان حسين» .. ماجدة خير الله : «الحكاية مش ناقصة هيافة»
الموجز
علقت الناقدة والكاتبة ماجدة خير الله على اعتزال الفنانة ميريهان حسين .
حيث كتبت خير الله تقول : لما سير دانييل داي لويس ، الحاصل علي تلاتة أوسكار وتاريخه السينمائي زاخر بالأفلام العظيمة.
وتابعت الناقدة الشهيرة : قرر إعتزال الفن فجأه بدون إبداء الأسباب ، الدنيا ماقامتش وقعدت ، والناس إحترمت قراره وخلاص .
وبشأن ميريهان حسين قالت خير الله : تقوم لما ميرهان حسين تعلن اعتزالها الناس تقف علي رجل، وكان الفن حاينهار من غيرها!!!
وأضافت : كل يوم أكثر من صحفي وبرامج تليفزيونية وإذاعية، ومواقع إلكترونية يكلموني عشان أعلق علي خبر الاعتزال.
وتابعت: هو ايه الفراغ والهوان اللي بقينا فيه ده؟؟
واختتمت قائلة : قليل من العقل والضمير بقي الحكاية مش ناقصة هيافة .
إجازة مفتوحة
وأثارت الفنانة ميرهان حسين حالة من الجدل عبر منصات التواصل الاجتماعي، بعد قرار اعتزالها الفن المفاجئ، مشيرة إلى أنها أصبحت لا تجد التقدير من قبل الآخرين وزملائها في الوسط الفني.
وكتبت ميرهان حسين عبر حسابها الرسمي بموقع "إنستجرام": «إجازة مفتوحة من الـ سوشيال ميديا والمكالمات والالتزامات والمجاملات والتواجد من أجل الآخرين مش هكون موجودة ولا عايزة حاجة من حد ولا حد يعوز مني حاجة واللي زمان أنا عيشته لغيري أنا دلوقتي هعيشه لنفسي».
وأضافت: «لا عايزة تقدير لا في شغل ولا في حياة ولا صحاب ولا حبايب ولا معارف ولا حاجة تستاهل ولا حد يستاهل اللي بيحبوني شكراً وكتر خيركم واللي مابيحبونيش شيلوني من حساباتكم لحد ماقدر أواجه الحياة الظالمة دي تاني سلام».
واختتمت: «تعبت وأشعر بعدم التقدير لشخصي ولموهبتي ولم اعتد البقاء في مكان ومع أشخاص لا تقدرني تعبت لذلك اعتزل».