«زعلانة على الولاد».. إعلامية تدعو للصلح بين تامر حسني وبسمة بوسيل

الموجز  

تداول رواد مواقع التواصل الاجتماعي مقطع فيديو للإعلامية شريهان أبو الحسن، نشرته عبر صفحتها الخاصة بموقع "فيس بوك"، داعية خلاله الصلح بين المطرب تامر حسني و طليقته الفنانة المغربية بسمة بوسيل.

وتحدثت شيريهان خلال الفيديو عن الخلاف الذي دار بين تامر وبسمة وأدى إلى الانفصال إلى جانب مطالباتها من المقربين لهما بالتدخل في محاولة للتصالح وأنها تعلم تامر وبسمة معرفة شخصية وعن تأثرها بهذه العلاقة

وقالت الإعلامية: "اللي مستغرباله ولا سمعت ولا قريت ولا شوفت حد على السوشيال ميديا يقول كلمة واحدة تصلح أو تقرب ما بين تامر وبسمة ولو واحد حتي من أصحابهم وكأن الدنيا كلها مستنية تامر يكون في موقف زي ده وكأن الناس عايزاهم يتطلقوا و جاني احساس كده إن أصحابهم ممكن يكونوا فرحانين في اللي حصل".

وأضافت: "أنا قربت من بسمة وقربت من تامر وبسمة ست طيبة جداً وتامر راجل قلبه نضيف وأكتر حاجة مهتمة بيها واكتر حاجة وجعاني مش تامر ولا بسمة لكن ولادهم لأن ساعات الزوجين في المواقف اللي زي دي مابيبقوش مهتمين ولا مشغولين بالولاد وإن عشان الولاد بسمة فضلت تسمع وتستحمل شائعات عن تامر".

وتابعت: "والحب ده برضه كان بيخلي تامر يتغاضى عن التهور اللي كانت بسمة بتعمله على السوشيال ميديا وهو نفسه قال عليها انها متهورة لكن رجعوا لبعض تاني وصاب تامر وبسمة الزهق الملل الرتابة التعود العتاب النقد الندية المشاجرات والمشاحنات اللي موجودة في أي بيت وأن الطرفين كل طرف فيهم بيفكر ان لو دخل في علاقة جديدة مع حد تاني هيكون ده تجربة ناجحة ومختلفة".

ووجهت شيريهان أبو الحسن رسالة إلى تامر حسني، قائلة: "أنت اللي فتحت الباب لكلام كتير أنت استسهلت كنت بتمشي وتسيب البيت فترة طويلة استسهلت أنك تعيش في المكتب وانك تسيب بسمة وتخلي الناس تتكلم أكثر والنار تولع أكتر في قلب بسمة، وكنت مستنية منك رد أحسن من كده عشان تحافظ على البيت وأنت السبب في التوتر اللي وصلته بسمة وتنازل شوية عن العناد وانزل شوية من هذا الكبرياء وفكر في ولادك".

وفي وقت سابق، أعلنت بسمة بوسيل انفصالها رسمياً من زوجها تامر حسني، وذلك عبر حساباتها الرسمية على مواقع التواصل الاجتماعي.

https://www.facebook.com/7kawysherihan/videos/3512194832394753

تعليقات القراء