«مينفعش نجرح في الناس ونقول إنها حرامية».. منة فضالي تكشف تفاصيل جديدة بشأن أزمة مساعدتها هي ودينا الشربيني
الموجز
دافعت الفنانة منة فضالي عن مساعدتها ابتسام فوزي، والتي كانت تعمل مؤخرًا مع الفنانة دينا الشربيني واتهمتها بسرقة مجوهراتها.
وعبر حسابها الشخصي بموقع "انستجرام"، نشرت منة فضالي مقطع فيديو قالت فيه: "المساعدة كويسة، وخرجت بالسلامة، وأنا تواصلت مع دينا الشربيني، ودينا جميلة وأنا بحبها على المستوى الشخصي وممكن حد يكون عمل المشكلة دي في الاتنين، وهي مشكورة راحت وطلعت المساعدة".
وأضافت "فضالي": "المساعدة بتشتغل مع دينا من سنين وهي مساعدتها الرئيسية، والبنت مظلومة ما أقدرش أقول أكتر من كده وممكن يكون حد عمل كده عشان يقطع عيشها مع دينا أو لأسباب تانية".
وواصل: "الست كويسة وكفاية إنها فقدت أمها أغلى حاجة عندنا كلنا، فمينفعش نجرح في الناس ونقول إنها حرامية فيه ساعات كلام بيتكب ما بيكونش صح، والست اشتغلت معايا سنين وعمري ما شفت منها حاجة وحشة".
وتابعت: "أنا مشيت المساعدة لأنها كانت شغالة مع أكثر من حد، وأنا محتاجة حد متفرغ لشغلي لأن لما بيكون حد شغال مع كذا فنان بيكون فيه لخطبة شوية، وأنا واحدة بخاف على شغلي، فطبيعي وحقي وقلت لها ربنا يسهلك".
واختتمت الفنانة منة فضالي حديثها بالقول: "رجاء ماحدش يجرح في حد بس مش أكتر وما أفتكرش أني جرحت في حد قبل كده وماليش دعوة بحياة الآخرين، لكن ليا اشتغل والناس اللي معايا يكونوا مريحيني".