«أنا مش رقاصة» .. طليقة سعد الصغير تكشف تفاصيل زواجها وخلافاتها مع المطرب الشهير

الموجز

قالت الفنانة برلنتي عامر، طليقة المطرب سعد الصغير، خلال لقاء لها في برنامج "تفاصيل"، عبر فضائية "صدى البلد2" : “المصايب اللي انا فيها كلها بسبب سعد الصغير، حتى لما كنت بدخل شغل يكلم الناس من ورايا عشان أمشي من الشغل”.

وأضافت برلنتي عامر : "روحت صورت في مسلسل وبعد التصوير تم حذف المشاهد الخاصة بي وعرفت إن هو السبب ومكانش عايزني أظهر عشان  كان بيحبني حب تملك".

وتابعت طليقة المطرب سعد الصغير، أن “ما أثير أنى راقصة عار تمامًا من الصحة والموضوع ده مزعلني جدًا ولو حد عنده ليه حاجة وأنا برقص يطلعها، واللى اتقال عليا كان بسبب أنه كان متجوز راقصة قبلي”.

وأشارت برلنتي عامر إلى أن “سعد الصغير أكبر مني بـ 22 سنة وحبيته أب قبل ما يكون زوج وأنا مختش سعد الصغير من على مراته لأنه كان له تجارب زواج متعددة”.

تعدى عليا بالضرب وشدني من شعري

كشفت الفنانة برلنتي عامر، طليقة المطرب سعد الصغير، عن تفاصيل خلافها الأخير معه،معلقة “أنا كنت قاعدة مع سعد الصغير في الفيلا، وفجأة حدث خلاف وتعدى عليا بالضرب، وشدني من شعري".

وأضافت “كلمت أمي وأختي وأول ما جم شتم وقال ألفاظ وركبت مع والدتي العربية ، وفجأه سعد الصغير جه ورانا بسرعة بعربيته وخبط فينا ومسك الطوب وحدفه على إزاز العربية بتاعتنا واختى دماغها اتفتحت لما كسر ازاز العربية”

وتابعت طليقة المطرب سعد الصغير، “انا بقالى مع سعد الصغير 4 سنوات وكنت ساعات ببقى معاه في شغله”.