«نجلاء فتحي قالتلي رمضان ده بتاع الناس الفقراء».. ميار الببلاوي تكشف كواليس مشهدها الجريء بفيلم «ديسكو ديسكو»
الموجز
كشفت الفنانة المعتزلة ميار الببلاوي كواليس رفض تصوير مشهدها الجريء في فيلم "ديسكو ديسكو" قبل آذان المغرب في شهر رمضان، وموقف حدث بينها وبين النجمة الكبيرة نجلاء فتحي.
وخلال لقاءها في برنامج "قعدة ستات" المذاع عبر فضائية "القاهرة اليوم"، قالت ميار الببلاوي: "أنا قولت للفنانة نجلاء فتحي أنا مش عايزة أصور مشهدي مع عمرو عبدالجليل"، ردت قالت: "بصي يا حبيبتي، رمضان دا بتاع الناس الفقراء، الناس اللي هما الأغنيا بيعملوا نفسهم إنهم مش بياكلوا علشان قدام الناس الفقراء، احنا بنصوم ليه؟".
وأضافت الفنانة المعتزلة: "نجلاء فتحي كانت عايزة تقنعني بالمشهد، وقالتلي الموضوع مش محتاج تعطلينا وتأخرينا وخشي إعملي المشهد".
وتابعت ميار الببلاوي: "أستاذة نجلاء فتحي حبيبتي واستاذتي بس هي كانت بتقنع عيلة صغيرة تعمل المشهد قبل الفطار".
يشار إلى أن فيلم "ديسكو ديسكو" عرض في عام 1993 ومن بطولة كل من نجلاء فتحي، محمود حميدة، شريف منير، محمد متولي، وفاء عامر، عبدالله محمود، ميرنا وليد، عمرو عبدالجليل، تأليف عبدالحي أديب، إخراج إيناس الدغيدي.