نبيل الحلفاوي يُحرج ياسمين عز في أزمة الجزمة والسجادة

علق الفنان الكبير نبيل الحلفاوي على تصريحات المذيعة ياسمين عز الأخيرة، والتي أعلنت خلالها استيائها من قيام الزوجات بالغضب من دخول أزواجهن بالأحذية على السجادة في المنزل.

 

وأعاد الحلفاوي نشر تصريح ياسمين "بتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه"، وكتب عبر حسابه الشخصي على موقع التغريدات الشهير "توتير": "عشان بتحافظ على فلوسه".

وكانت الإعلامية ياسمين عز قالت في برنامجها: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها… وبتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه!!."

 

ووجهت ياسمين عز، محموعة من النصائح المهمة للزوجة في كيفية التعامل مع زوجها، حتى تنعم بحياة زوجية سعيدة.

 

قالت ياسمين عز، في برنامج "كلام الناس" الذي تقدمه عبر شاشة "MBC مصر": "ليه معظم الستات بتتغير بعد الجواز؟ اعرف ستات لما اجوزهم ينزلوا الشغل ولا بيعبروهم، وكأن لسان حالها يقول له المركب اللي تودي طبيعي بعد كدة إن الراجل لما يروح الشغل ويلاقي واحدة بتبتسم له يعجب بيها، وترجعوا تسألوا الرجالة عينها زايغة ليه؟".

 

وتابعت: ما هو شايف بوز أد كدة طول النهار أدامه، أول ميرجع جوازها للبيت، بدل ما تسأله عملت أيه انهارده، بتبقى قاعدة قمطة دماغها بتقوله ايدي وجعاني والعيال تعبوني ومش قادرة اتكلم، ليه لما حد يجي من أهلك الولائم تشتغل والأصناف والأشكال تظهر، وفي الأيام العادية مفيش حاجة بتتعمل للراجل الشقيان اللي طالع عينه، فين ايام لما كانت الست تدي لجوزها الجزء الكبير من الفرخة وتاكل بقيتها هي والعيال، فين أيام ما الست كانت بتدي لجوزها الحتة الكبيرة في الفرخة وتاكل الباقي هي وعيالها.

 

واستكملت: دايما حسسيه باللمسة بتاعتك في حياته وفي شكله وفي هدومة علشان دايما يكون محتاج ليكي، مبقيتيش تفتحي دولابه إلا علشان تفتشي في هدومه وتطلعي كام حاجة تعمليها فوط للمطبخ أو تمسحي بيهم البلاط.

 

وتابعت: لو اهتميتي بجوزك نص الاهتمام اللي بتديه لـ غسيل السجاجيد والمواعين وتنضيف الشيش والبلوكانات، عمره ما يبص لواحده غيرك، خلي الراجل اول ما يشوفك يحس انه ساب الضغط والتعب والمشاكل وداخل الجنة بتاعته، مش تزعقيله وتقوليله اوعى تدوس على السجادة واقلع الجزمة بره، ما هوجايبها بفلوسه.

تعليقات القراء