قلبي بيوجعني أكتر من أي وجع .. ميار الببلاوي توجه رسالة لوالدتها

الموجز

وجهت الفنانة ميار الببلاوي رسالة مؤثرة لوالدتها الراحلة  وذلك عبر صفحتها على موقع التواصل الاجتماعى فيسبوك .

وقالت ميار الببلاوى : "صباح الخير صباح الخير يا أمي، بجد كل لما بعيا قلبي بيوجعني أكتر من أي وجع لأني بفتكر كنتي بتعمليلي إيه وأنا تعبانة، بعدك لا بقى فيه حنية ولا حد أفرق معاه كلت ولا مكلتش أخدت الدوا ولا ما أخدتش صاحية ولا نايمة، حرارتي عالية ولا نزلت، كحتي ناشفة ولا لا".

وأضاف ميار الببلاوى : "ياه يا ماما، أنا عجزت أوي أوي من بعدك، شوية برد ململوني ودمروني نفسيا، وحسيت إحساس الله مايحكمه على حد، كنت بعمل أخطر وأكبر عمليات وأنا في غربة ولا هنا، بس نفسك ودعاكي كانوا بيقوونى إني مخوفكيش عليا ولا أقلقك وأرجعلك كويسة وواقفة على رجليا".

وأوضحت ميار الببلاوى : "حبيبتى قصرك في الجنة إن شاء الله، قد حنيتك وطيبتك وتعبك علينا، وحشتيني أوي بس ده مايمنعش أشكر كل اللي اتصلوا بيا واهتموا يدعولي بمسج، كتر خيركم وربنا ميحرمش أي حد من أمه ولو أمكم عايشة استمتعوا بالنعمة الغالية أوي أوي دي، ولو ربنا اختارها إلى جواره ربنا يصبركم، وآسفه للإطاله بس محتجالها أوي".