كاشفة عن مواصفات فتى أحلامها.. نادية الجندي: معنديش مشكلة أتجوز واحد أصغر مني.. ولولا أنا مكنش طليقي بقى منتج كبير

تصدرت الفنانة نادية الجندي، تريند مواقع التواصل، ومحرك البحث جوجل، خلال الساعات الماضية، بعدما حلت ضيفة على الإعلامية «أسما إبراهيم» في برنامجها «حبر سري» المذاع عبر قناة «القاهرة والناس» مساء الخميس.

 

وقالت الفنانة: «الشائعات كترت حواليا الفترة اللي فاتت بخصوص الارتباط والجواز»، مضيفة: «هو بغض النظر عن إني مش ببص للشائعات دي ولا بتشغلني، بس ليه لأ ليه متجوزش ومرتبطش». وأكملت: «أنا كمان مش عندي مانع إني أتجوز في الوقت الحالي أنا كمان عندي مواصفات لفتى أحلامي».

وأعلنت مواصفات فتى أحلامها قائلة: «لازم يكون راجل وأحس إنه قد المسؤولية.. لازم أحس بالحنان والأمان والصدق معاه.. لازم يكون محبوب بين الناس عشان أقدر أعيش معاه».

وأشارت: «أنا عارفة إن الصفات دي مش موجودة في الزمن بتاعنا دا»، موضحا: «بالنسبة لي في مواصفات تانية للراجل غير سنه».

وواصلت: «عادي جدا لو اتجوزت حد أصغر مني لأن مفيش قانون بيحط سن معين بين الراجل والست».

وكشفت نادية الجندي عن دورها في حياة زوجها السابق المنتج محمد مختار، وقالت: "إحنا كنا بنكمل بعض، يعني هو كمنتج أنا أخدته هذا الوسط، هو كان راجل دبلوماسي، لولا أنا مكانش بقى منتج، حب التمثيل من خلالي، كمنتج دخل المجال حبا فيا، كنا لسه متجوزين، شاف قد إيه أنا بتعب كمنتجة، أنا انتجت 3 أفلام، كنت بمثل وبنتج في نفس الوقت، فهو قالي لأ، أنا هنتج، عشان تركزي في التمثيل".

وتابعت: "وقفت جنبه، أول مرة ينتج، إديته خبرتي ومجهودي، وهو اختار الباطنية ووقفت معاه فيها، واخترت له العناصر اللي تعمل العمل، وهو ذكي جدا، وكان قدمنا حلو مع بعض، نجحنا مع بعض، هو منتج صرف كويس قوي على العمل، وقدم كل العناصر المتميزة للعمل، وأنا وقفت بمجهودي وتاريخي واسمي، فكملنا بعض، عملنا أعمال كتير مع بعض، كلها كانت ناجحة جدا".

تعليقات القراء