أتمنى قنوات تتخانق مين يعمله مش يعتذروا.. محمد صبحي يجهز للجزء التاسع من «يوميات ونيس» (فيديو)
أعلن الفنان محمد صبحي عن تحضير جزء تاسع من مسلسل «يوميات ونيس».
وقال صبحي، في تصريحات لبرنامج «الراديو بيضحك» لفاطمة مصطفى عبر إذاعة «الراديو 9090»: «بعمل اتصالات لأني بجهز الجزء التاسع من يوميات ونيس، كنت واخد قرار إني مقدمش، لكن عاوز أقدم الجيل الجديد اللي عايش النهارده هل هو مظلوم ومفترى عليه وأحنا اللي غلط ولا العكس» .
وأضاف : «الجزء التاسع فيه محاكمة لـ ونيس تاني، أولاده حاكموه في الجزء السادس لما قالوله أنت ربيتنا غلط، بقت أزمة بقابل شباب في الجامعة يقولولي أنا متربي على (ونيس) ومش عارف أتعامل مع الكذابين والمنافقين، في شباب بيخجل لأن عندهم أخلاق وأصدقائهم بيسخروا منه».
تابع صبحي : «أولاد وأحفاد ونيس وحشوني وأتغيروا ولازم دا يتشاف ويتعالج أثناء الكتابة».
واختتم حديثة : «إن شاء الله نبدأ قريب وأتمنى يبقى فيه قنوات تتخانق مين يعمله مش يعتذروا» .
رابط الفيديو: https://youtu.be/As-oBjhc1cM