اتفقت مع زوجى أنه يرد طليقته .. بوسي: أنا متطلقتش وحياتنا مستمرة

الموجز

قالت المطربة بوسي، في مداخلة هاتفية مع الإعلامية بسمة وهبة مقدمة برنامج "90 دقيقة"، على قناة المحور إنها لا تحب الحديث عن حياتها الشخصية على منصات التواصل الاجتماعي، موضحةً: "أنا مبحبش أرد على  الشائعات ومش هرد على حاجة، أنا بتكلم عن شغلي بس، واتفقت مع زوجى على أن يرد طليقته لأني عارفة قيمة الضنا، وأولاده صحاب إبني، ولما اتجوزنا كان منفصل عن مراته من فترة وعمري ما هتجوز راجل وعلى ذمته واحدة تانية".

وأضافت المطربة بوسي : "الناس بتشتمني وبتغلط فيّ من غير ما تعرف عني حاجة أو تتحرى عني، ولا أفهم سر إنشغال السوشيال ميديا بحياتي الشخصية".

باباها ميت غضبان عليها

وتابعت المطربة بوسي : "اللي بيقول باباها ميت غضبان عليها، إيش عرفك؟! انت كنت من بقية أهلي، ليه بتدعوا الكلام؟! المشكلة إن الكلام من زمايلي اللي واكلين عليّ عيش وملح، الكلام ده طلع من زميل ومش هقول اسمه زعلان مني عشان معزمتهوش على الفرح".

وواصلت بوسي، قائلة: "الناس ايه اللي عرفها إن في مشاكل، انا متطلقتش وحياتنا مستمرة وممسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني، وبالنسبة لأبي، فقد تصالحت معه قبل وفاته ولم أعلم بوفاته إلا بعد الدفن بيومين".