«سمعت مسج وهي بتقول له أنا لقيت واحد أحسن منك».. حورية فرغلي تتصدر التريند بعد تعاطفها مع قاتل نيرة أشرف

الموجز    

أثارت الفنان حورية فرغلي جدلاً واسعاً على منصات التواصل الاجتماعي، بعد تصريحاتها الصادمة حول قضية مقتل نيرة أشرف، طالبة جامعة المنصورة، على يد زميل لها يدعى محمد عادل، في القضية التي شغلت الرأي العام خلال الفترة الماضية.

وفي تصريحات صحفية نشرتها مجلة "الجرس" اللبنانية، أكدت حورية فرغلي تعاطفها مع القاتل، حيث قالت: "تعاطفت مع قاتل نيرة، زي ما تعاطفت معاها، وصِعِب عليا الولد؛ لأنه صغير جدًا وما عندوش خبرة، وبيصدق كل حاجة، وحبَّها جدا، وغار عليها غيرة عمياء، وفي رجالة لما بتغير؛ بتقتل، وتكون البنت ما عملتش حاجة، يعني من نوعية أنا ما حدش يضحك عليا، وأنا ما يحصلش فيا كده".

وأضافت الفنانة: "هما كانوا صحاب، وساعدها في المذاكرة، وبدأ يحبها قبل ما تكون موديل؛ لأنه حبها لشخصها، فبدأت تغيَّر طريقتها معاه، وسمعت ماسدج من الماسدجات اللي انتشرت وهي بتقول له: أنا لقيت واحد أحسن منك، وفي رجالة لما تسمع الكلام ده؛ يوصل بيهم الموضوع للقتل".

وتابعت: "والولد قال الكلام ده في المحكمة، وما حاولش حتى يكذب أو يجمل اللي عمله، وفي رجالة كتير بتكون مريضة بمرض الغيرة، بس برضو ما يوصلش للقتل بالمنظر ده".

وعن رأيها في اتهام البعض للفن بالتسبب في انتشار الجريمة؛ قالت حورية فرغلي: "الفن عمره ما يتسبب في كده، اللي بيقول كده؛ ينشر الأفلام دي، ويوريها لينا، أنا شخصيًا، رفضوا يخلوني أقدم الجزء الثالث من مسلسل ساحرة الجنوب؛ بسبب مشاهد الرعب اللي فيه، لكن الفن بيمثل الواقع."