فيديو .. حمو بيكا : عايز أرجع مصر .. رسالة لأمى وحشتينى

الموجز

خرج حمو بيكا من خلال بث مباشر عبر صفحته بموقع التواصل الاجتماعي فيسبوك ، طلب فيه عودته للغناء فى مصر وحصوله على تصريح  .

وقال حمو بيكا من خلال البث المباشر :" ليه تمنع الفرحة من على وشوش الناس وحشونى صحابى واخواتى وكل حاجة فى مصر ،أنا بقالى شهر عدى عليا كأنه 100 سنة برا مصر ، مصر أم الدنيا وهتفضل بخير, سيبونا نشتغل جوه بلدنا، أنا هنا شغال بس مش بحس بطعم النجاح غير فى بلدى مصر". 

وأضاف حمو بيكا :"الحمدلله عندى حفلات فى دبى وتركيا ولبنان تكفينى سنة ،انا طالع افضفض معاكوا شوية  مش زعلان ان انا مش شغال فى مصر ,انا زعلان انكو حرمتوا جمهورى منى , كل اللى طلبه سيبونى اشتغل زى زمايلى كل مطربين المهرجانات والراب خدوا الكارنيهات مفضلش غيرى".

وتابع بيكا :"بلاش تقفوا فى طريقنا , مش مبقاش فى العمر غير حاجة بسيطة ومفيش حاجة دايمة غير السيرة الطيبة وسيبوه الملك للمالك وبلاش تقطعوا فى أرزاق الناس الحياة صعبة وسيبوه الناس ترزق ربنا اللى بيقسم الأرزاق ".

واكمل بيكا :" الرزق بيتاخد منى فى مصر , ربنا جبلى رزق فى مكان تانى فى مكان محدش بيقول فيه ممنوع , فى نقابة هنا فى دبى بس محدش بيقولك انت ممنوع ولا متشتغلش ".

وأوضح حمو بيكا :" هنا الناس بتقدر الفن وكل واحد فى حاله اللى عايز يشتغل يشتغل والخير هنا كتير وفى بلدنا الخير اكتر سبونا نرزق ".

رسالة لأمى

 ووجه رسالة لوالدته قال فيها :" رسالة لأمى وحشتينى وربنا ميحرمنى منك واخواتى وحشتونى وزوجتى ووش الخير هى حاليا معايا فى السفر وبلاش تتنمروا على حد ".

تعليقات القراء