«نيرة أشرف ضحية مجتمع كله فساد».. كيف علّق نجوم الفن على واقعة مقتل طالبة جامعة المنصورة؟
الموجز
تفاعل عدد من نجوم الفن مع واقعة مقتل "نيرة"، طالبة جامعة المنصورة، والتي لقيت مصرعها في وقت سابق الإثنين على يد صديقها بالجامعة بالسكين أمام بوابات الجامعة عقب نزولها من السيارة وتوجهها إلى جامعتها لأداء الامتحان.
ريهام حجاج
وعبر حسابها الشخصي بموقع "انستجرام"، علّقت الفنانة ريهام حجاج على الواقعة قائلة: "لا حول و لا قوة إلا بالله العلي العظيم .. اللهم أرحمك يا نيرة ويصبر أهلك ويجعلك من أهل الجنة يا حبيبتي".
وأضافت ريهام: "شهيدة الأخلاق والإنسانية إللي خلاص ماتوا وادفنوا في قلوب الكثيرين، إيه إللي جري للناس.. الناس بقيت وحوش لا خايفة من ربنا ولا من قانون …الكره والحقد والغل والأذى باقوا سمات العصر".
وتابعت: "حقيقي الواحد حزين على أهل بلده وعلى إللي وصلنا له، اللهم أرحمنا برحمتك وأحمي أهالينا وأولادنا وأخرجنا منها سالمين اللهم آمين".
سمية الخشاب
وكتبت الفنانة سمية الخشاب عبر حسابها الشخصي بموقع "تويتر" تغريدة قالت فيها: "أرجوكم لو لقيتوا أي ست بتتضرب أو بتتعرض لعنف في أي مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا أولادكم بقى عشان قرفنا، متخلفوش لو انتوا مبتعرفوش تربوا كفاية.. وإعدام إن شاء الله".
وأضافت: "المهم وأنا ببص كده على التعليقات لقيت شوية مرضى نفسيين ميقلوش إجرام عن اللي ارتكب الجريمة بيلوموا البنت ويقولوا كانت لابسة لبس مش محتشم وبيبرروا دبحها، يعني اتدبحت وراحت حياتها وكمان مذنبة، لازم الناس دي تفوق لأنهم بيبقوا مشاريع إجرام وربوا أولادكم عشان قرفنا منكم ومنهم".
وتابعت سمية الخشاب: "وحبيبتي نيرة في الجنة إن شاء الله، وإن شاء الله تكوني سبب أنه العنف والقرف ده يقف بعقاب رادع يبقى عبرة لأي حيوان بشري يفكر بس يلمس شعرة من بنت مش يدبحها، منه لله وإن شاء الله عقاب أسود في الدنيا وفي الآخرة".
ارجوكم لو لقيتو اي ست بتتضرب او بتتعرض لعنف في اي مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا اولادكم بقي عشان قرفنا، متخلفوش لو انتوا مبتعرفوش تربوا كفايه!! واعدام ان شاء الله.#حق_نيرة_اشرف
— Somaya Elkhashab (@somayaelkhashab) June 20, 2022
وحبيبتي نيره في الجنه ان شاء الله، وان شاء الله تكوني سبب انه العنف والقرف ده يقف بعقاب رادع يبقي عبره لاي حيوان بشري يفكر بس يلمس شعره من بنت مش يدبحها، منه لله وان شاء الله عقاب اسود في الدنيا وفي الاخره
— Somaya Elkhashab (@somayaelkhashab) June 20, 2022
فتحي عبدالوهاب
كما علّق الفنان فتحي عبدالوهاب على الواقعة المروعة، في منشور عبر صفحته الشخصية بموقع "فيس بوك"، قائلاً: "طالبة جامعة المنصورة، ربنا يرحمها ويصبر أهلها وينتقم من المريض اللي عمل كده".
مصطفى درويش
وقال الفنان مصطفى درويش، عبر حسابه الشخصي بموقع "فيس بوك": "نيرة أشرف ضحية مجتمع كله فساد ضحية إن القدوة بقى البلطجي اللي بيشيل سكينه وهو رايح الجامعة ويتباهى ببلطجته لإنها بقت موضة، ضحية إن البلطجي بقى هو اللي معاه فلوس وعربيات".
وأضاف درويش: "البنت دي ضحية الصورة المشوهة اللي متصدره للمجتمع تحت كلمة الحرية ولسه ولسه اللي جاي أسوأ، الله يرحمها ويصبر قلب أمها وأبوها".
وكانت مدينة المنصورة قد شهدت صباح الإثنين جريمة بشعة بعدما قام طالب بكلية الآداب بجامعة المنصورة بطعن زميلته بسكين وذبحها قبل أن يتمكن الأهالي من الإمساك به.