«كل الناس عارفة انت ايه.. وانا اللي عملتك يا صاحب مزيف».. حمو بيكا يشن هجوماً عنيفاً على عمر كمال
الموجز
شن مؤدي المهرجانات حمو بيكا، هجوماً عنيفاً على المطرب عمر كمال، وذلك خلال بث مباشر له عبر حسابه الشخصي بموقع "انستجرام".
وقال بيكا: "أنا اتصلت بعمر كمال فوق الـ7 مرات ومردش عليا، وبقى يشوف نفسه على الناس وأنا مش الناس، لأني كنت أول واحد يا عمر عملتلك أغنية والناس سمعتها يعني ربنا ثم أنا".
وأضاف مؤدي المهرجانات: "وعايز أقولك وريني هتنجح بنفسك ازاي ومتخليش حد ينجحك وعايز أشوف مهاراتك، واشوف شغلك، وعايزك لما تقابلني في حته السلام بتاع ربنا متقولهوش، عشان كل الناس عارفة أنت أيه، وكل الناس برا أو جوا المجال عارفين أنت أيه".
وواصل حمو بيكا: "يا خسارة العيش والملح اللي اكلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش امسحها دلوقتي ولا يهمني.. يا صاحب مزيف".
وفي سياق آخر، كشف حمو بيكا لأول مرة عن اسمه الحقيقي، مؤكداً أنه لا يمانع في التخلي عن اسم الشهرة "بيكا" من أجل دخول نقابة المهن الموسيقية.
وفي مداخلة هاتفية ببرنامج "الحكاية" الذي يقدمه الإعلامي عمرو أديب، قال حمو بيكا: "أنا مستعد أغير حياتي كلها عشان أشتغل وآكل عيش، وأنا اسمي الحقيقي محمد محمود، واسم الدلع حمو، لو عايزين في النقابة يشيلوا بيكا ويحطوا أي اسم مفيش عندي مشكلة".
جاء ذلك تعليقاً منه على ما تردد عن إصدار نقابة المهن الموسيقية مجموعة جديدة من الشروط لقبول مطربي المهرجانات في النقابة، وهو ما نفاه وكيل أول النقابة محمد أبو اليزيد خلال مداخلة مع البرنامج.