جبنا أمي معانا كمحرم عشان نتفرج على باقي الرواية .. تفاصيل أول لقاء بين لميس جابر ويحيى الفخراني

الموجز

كشفت الدكتورة لميس جابر، زوجة الفنان الكبير يحيى الفخراني، خلال لقائها ببرنامج «صاحبة السعادة» الذي يذاع على شاشة dmc مع إسعاد يونس، تفاصيل أول لقاء بينهما، قائلة: «إسعاد يونس الإعلامية كانت صغيرة في ثانوي وأنا كنت في كلية الطب وكنا أصحاب أوي وبنحكي وننظر وشبطت فيا وصممت أنها تيجي الكلية عشان تشوف المشرحة، وأقولها هتخافي تقولي لأ، وبدل ما أدخلها المشرحة دخلتها المتحف فقلت أجزاء بشرية متحنطة، قالتلي ايه دا دا يخوف دا ولا هي هنا».

وأضافت : «قولتلها تعالي أوريكي المشرحة، ودخلت إسعاد المشرحة لقيتها بتسألني بتشرحوا ازاي وبتعملوا ايه وازاي هو بس كده دي المشرحة، قولتلها مخوفتيش ازاي كده، وأحنا مروحين هي لقطت إعلان فرقة طب عين شمس المسرحية».

وتابعت: «لقيت إسعاد بتقولي انتوا عندكم فرقة تمثيل في الكلية قلت معرفش مش واخده بالي فبصينا لقينا الإعلان والفرقة بتعرض على مسرح الهوسابير، واتفقنا وروحنا نتفرج على الرواية في المسرح، والكلام دا في المسرح حصل في دخلتك يا يحيي أنت علينا وقتها».

وأكلمت: «وقتها يحيى شبه عليا قالي أنا شوفتك فين قبل كده، وسألني وقتها انتي معانا، وقتها قال معلش أوعوا بقى وراح عازمنا ودفعلنا 10 صاغ تذكرتين، واتفرجنا أنا وإسعاد وقتها على الجزء الأول وخوفنا من التأخير فروحنا جري وبعد كام يوم جبنا أمي معانا كمحرم عشان نتفرج على باقي الرواية، واتفرجنا عليها على نصين».

تعليقات القراء