منة فضالي عن إطلالات الفنانات في مهرجان الجونة: «فيه ناس رايحة تركب التريند».. وتعلّق على ظهور الراقصات بالمهرجانات

الموجز   منة فضالي 

علّقت الفنانة منة فضالي على إطلالات الفنانات في مهرجان الجونة السينمائي الدولي، والتي تميز البعض منها بإثارة الجدل ولفت الأنظار وأصبحت حديث السوشيال ميديا خلال الأيام والساعات الماضية.

وقالت "فضالي"، خلال حوارها ببرنامج "مساء دي إم سي" المذاع عبر فضائية "دي إم سي" مساء الأحد،: "أنا واحدة طبيعتي بسيطة ومش بحب الشو ومبحبش ألبس حاجة غريبة مش شبهي، فيه لبس وألوان فاقعة مينفش تتلبس في مهرجان وفي النهاية إحنا في مجتمع شرقي وفيه لبس الناس مبتقبلهوش".

وأضافت الفنانة: "أنا بتقبل النقد في كل حاجة عادي، ومعنديش مانع أن حد ينتقد لبسي".

وتابعت: "كل الفنانات اللي بيحضروا المهرجانات عايزين يلبسوا أحسن وأحلى من غيرهم، وده أمر طبيعي لأن كل واحد بيبقى عايز يظهر شيك أوي"، مشيرة إلى أن الفنانة "هي من تختار لبسها الذي تظهر به، وتختار إما أن تثير الجدل أو تبقى شيك وبسيطة".

وواصلت منة فضالي: "فيه فرق بين واحدة تظهر بشكل شيك وواحدة عايزة تلفت النظر وتروح المهرجان علشان تركب التريند".

وأكملت "فضالي": "يسرا بالنسبالي ملكة الأناقة ولفتت نظري في المهرجان وطول عمرها شيك، وأنا بحبها على المستوى الشخصي والفنانة درة أيضا شيك جدًا وهند صبري كانت تجنن."

كما علّقت منة فضالي على وجود الراقصات في مهرجان الجونة، قائلة: "أنا بشوف ناس غريبة جداً متواجدين في المهرجان، وملهمش دعوة بالفنانين، ومعرفش مين دول أصلا، ومعرفش بيتم دعواتهم بناء على إيه".

وأضافت: "مؤخراً بقيت بشوف راقصات في مهرجان الجونة .. وده جديد بالنسبالنا .. رغم احترامي للرقص جداً .. لكن ده مش واجهة للفن .. والمفروض إن اللي يبقوا موجودين مخرجين ومنتجين وفنانين وممثلين عالميين فقط .. فيه ناس مينفعش تتواجد".

وتابعت الفنانة: "أنا معنديش تحفظ على شخص بعينه ولكن الحوار مش لطيف وأنا ضد تواجدهم في مهرجان سينمائي فني".

وعن الراقصة دينا، قالت: "دينا ممثلة وراقصة .. والفنانة فيفي عبده أيضاً ممثلة وراقصة .. عشان كده احنا بالنسبالنا بنشوفهم ممثلين ونجوم قبل أن يكونوا راقصات".

تعليقات القراء