«انتقادات وهجوم.. واختيار غير موفق».. أشرف عبد الباقي في مرمى «السوشيال ميديا» بسبب حمو بيكا.. ما القصة؟

الموجز

أنتاببت حالة من الغضب والاستياء مواقع التواصل الاجتماعي بعدما كشف الفنان أشرف عبد الباقي عن بوسترات مسرحيته “شمسية و4 كراسي” حيث نشر بوسترًا منفردًا لمطرب المهرجانات حمو بيكا كاشفًا أنه يشارك في العمل كضيف شرف.

وفور نشر أشرف عبد الباقي البوستر عبر حساباته الشخصية، عبّر المتابعون عن استيائهم الشديد من مشاركة حمو بيكا في المسرحية، وتساءل البعض عن كيفية مشاركته في عمل فني دون حصوله على تصريح من نقابة المهن التمثيلية.


الجمهور استقبل ذلك بالهجوم على أشرف عبد الباقي، ومن بين التعليقات التي تلقاها عبر حسابه بموقع "إنستجرام": "أنت جايب بيكا ليه؟"، وآخر كتب: "أنت شخصية محترمة يا أستاذ أشرف بلاش تشارك في فرض شخصيات زي حمو بيكا على المجتمع اللي بتساعد في إفساد الذوق العام".
وثالث كتب: "إزاي حمو بيكا وأشرف عبد الباقي.. أنت بتشجع حمو بيكا إزاي والنقابة مش مدياله كارنيه إنه مغني وهيطلع معاك ولا هو أصلا دوره إيه في المسرحية؟".

ومن بين المعلقين أيضا من كتب: "عيب أوي حضرتك أنا من أكتر الناس اللي بتحبك وفعلا فخور أن عندنا في بلدنا واحد زيك لأنك بطلعلنا نجوم محدش كان عارف فيهم حد وأصبحوا نجوم شباك ودائما بتحب تساعد غيرك ومش مهم عندك نفسك بس أنك تجيب بيكا وتطلعه ده غلطة متطلعش من أشرف عبد الباقي نهائي ومبروك مقدما".

وآخر كتب: "أستاذ أشرف أنت فنان محترم ومعاك ناس محترمين على أى أساس تضيف معاك حمو بيكا أنا شايفة تاريخك واللي قدمته مايسمحش بده أنتوا بتعملوا للناس دي قيمة للأسف" وغيرها من التعليقات الرافضة لمشاركة حمو بيكا في العرض.
كما جاءت بعض التعليقات كالتالي: "هتقل من تاريخك كفنان، وابتديت تفكر كأنك منتج فقط"، “معاه كارنيه نقابة مهن التمثيلهة ولا إحنا بس اللي بيطلب مننا”، “للأسف عايزين يعملوا منه شعبان عبد الرحيم تاني بس هناك فرق شاسع”؟، “يا نهار ده بجد ده ولا هزار فين بقى رواد المسرح ولا بس نازلين تقطيع في أشرف عبد الباقي”

كما علق آخرون كالتالي: "ده ضيف برضه يا أستاذ أشرف إنت راجل محترم ابعد عن السكة دي"، “الله أنا كنت بحترمك يا أستاذ أشرف بس للأسف بعد الضيف اللذيذ ده هتنزل من نظر ناس كتير”، “اختيار غير موفق.. طول عمر مسرحياتك هادفة وبتجنن.. ليش تجيب واحد زي هاد؟”.

وكتب أحد المتابعون: “بلاش يا أستاذ أشرف تكرّهنا في الحاجة الوحيدة اللي بنحبها مسرح مصر ونجومه بلاش حمو بيكا بعد إذنك”.

- بلاش تشارك يا أستاذ أشرف في فرض شخصيات زي حمو بيكا على المجتمع اللي بتساعد في إفساد الذوق العام

- اخر صورة دي بوظت الدنيا في إشارة لبوستر حمو بيكا
- سوال بس هو حضرتك واخد حمو بيكا ده ع ايه معلش !! اي دوره ؟؟

- استاذ أشرف انت فنان محترم ومعاك ناس محترمين على أي أساس تضيف معاك حمو بيكا


- اختيار غير موفق وهتقل من تاريخك انت طول عمر مسرحياتك هادفة وبتجنن ليه تضيف معاك حمو بيكا. حسبما نشر موقع "في الفن".

 

وروّج أشرف عبد الباقي لعرض المسرحية، من خلال نشره بوسترات المسرحية، ظهر فيها فريق العمل في بوستر منفرد، وذلك عبر حسابه بموقع “انستجرام” وعلق: “مستنينكم في الساحل ابتداءً من يوم الخميس 5 أغسطس على مسرح الساحل.. ‎تأليف كريم سامي ومحمد عبدالوهاب.. ‎إخراج أشرف عبد الباقي”.

والمسرحية يشارك في بطولتها إلى جانب أشرف عبدالباقي كل من محمد أسامة ومحمد عبدالرحمن، توتا ومحمد أنور وميريهان حسين، ومن إخراج أشرف عبدالباقي، وتدور أحداثها بداخل كومباوند بالساحل الشمالي.

وأعلن الفنان أشرف عبد الباقي، عن مشاركة مغني المهرجانات حمو بيكا، في مسرحيته الجديدة "شمسية وأربع كراسي"، كضيف شرف.


ويبدأ فريق عمل مسرحية "شمسية وأربع كراسي" أول عرض، يوم الخميس المقبل 5 أغسطس، بالساحل الشمالي، بعد الانتهاء من البروفات الكاملة للمسرحية، وتُعرض أيام الخميس والجمعة والسبت من كل أسبوع.

المسرحية بطولة أشرف عبد الباقي، محمد عبدالرحمن، أوس أوس، محمد أنور، ميرهان حسين، من تأليف كريم سامي كيمز وأحمد عبد الوهاب، وإخراج أشرف عبد الباقي.

 

تعليقات القراء