«جوزي راجل وكلامك استفزني»..أيتن عامر تعتذر لعفاف شعيب بسبب المواعين

الموجز

قالت الفنانة أيتن عامر: "اتضايقت من تصريح الفنانة عفاف شعيب إن اللي يغسل مواعين لمراته ميبقاش راجل، لأني كأم مطحونة بين الشغل وتفاصيل ومسئوليات الأولاد والبيت حسيت إن دي ضغطة كبيرة علينا".

وأضافت "عامر" خلال لقائها ببرنامج "ليلة الخميس" المذاع عبر فضائية "MBC مصر": لما يبقى عندي يوم إجازة بطبخ لبكرة بالرغم إن عندي مساعدين، ولكن تصريح عفاف شغيب استفزني وانفعلت انفعالًا غير مبرر عليها، وحسيت أنها زعلت فبعتذر لها.

وتابعت: مينفعش لما الزوج يساعد زوجته نقول عليه مش راجل بالعكس ده كتر ألف خيره إنه يساعد، وأنا محظوظة إن ربنا رزقني بزوج زي عز، ولما بيلاقيني تعبانة بيساعد في أعمال البيت على قد ما بيقدر في حدود على اللي بيعرف يعمله، ولما بسمع أن فيه زوج مبيساعدش باستفز.. أنا جوزي مبيغسلش مواعين ولكن الراجل يساعد مراته بأي شكل من الأشكال.