إيمان البحر درويش يثير الجدل بعد تصريحاته عن سد النهضة.. الباز: فقد صلاحيته العقلية.. والديهي: فاشل ومش فاهم.. وبلاغ يتهم المطرب بالتحريض على الفوضى

كتب: ضياء السقا

أثار المطرب إيمان البحر درويش، حالة من الجدل، بعد انتقاده مؤخرا تعامل الدولة المصرية مع ملف سد النهضة، وسخريته من مشروع تحلية مياه البحر، مما عرضه لهجوم إعلامي على منصات التواصل الإجتماعي.

الديهي يهاجم إيمان

من جانبه، هاجم المذيع نشأت الديهي، إيمان البحر درويش، قائلا إن «إيمان البحر درويش عمال يتكلم على تحلية مياه البحر وبيسخر..هو راجل فنان، مطرب عظيم أو مش عظيم معرفش تقييم الناس. لكن أنا بسأل إيمان البحر درويش إنت إيه اللي بتفهمه في السياسة وفي تحلية مياه البحر، ما علاقة الفن والموسيقى بتحلية مياه البحر؟».

وأضاف «الديهي» خلال برنامجه «بالورقة والقلم» على قناة TeN T، الخميس،: «إنت بتسخر وبتتريق على تحلية مياه البحر، وبتقول علينا إعلام العار.. والله أنا مقدرش أقول له إنت فنان فن العار لأني مؤدب ومتربي. لكن بقول لك يا أستاذ إيمان إنت مش فاهم حاجة، ولا يجب عليك تتكلم فيما لا تفهمه».

وأكمل حديثه: «أنت فشلت في الغناء وأن تكون إنسان مثقف، جاي تسخر من الدولة والإعلام المصري ولا تفهم يعني أيه دولة ولا يعني إيه تحلية مياه البحر، أنت اللي عار لما تتكلم في حاجة مش فاهمها، أنت رجل لا تفهم وقليل المعرفة والعلم».

وتابع: «والله العظيم عيب، أنت قاعد فاضي عمال تتكلم، أي حد مسموح ليه يتكلم، هو علشان اسمه ايمان البحر شايف ان البحر ملكه وبتاعه وخايف عليه».

الباز: درويش فقد صلاحيته العقلية

وفي سياق متصل، فتح الكاتب الصحفي محمد الباز، رئيس تحرير جريدة الدستور، النار على إيمان البحر درويش، قائلا: «ايه مشكلة ايمان البحر درويش؟ من زمان على فكرة وايمان البحر درويش فقد صلاحيته الفنية، ومن زمان كمان فقد صلاحيته العقلية».

وتابع عبر حسابه على فيس بوك: «ومن زمان برضه بيحاول يدور على أي طريقة يفضل بيها تحت الأضواء، وتقريبا لما بقى مفيش فايدة من الهجوم على زملاءه من الفنانين، قال يبقى خلاص نهاجم الرئيس والجيش.».

وأضاف: «كتب ايمان البحر كلام فارغ زى دماغه عن موضوع سد النهضة، ولو قلت لى إننا بنروج لكلامه وبنخلى الناس تقراه، هاقول لك مفيش مشكلة يا ريت الناس تقرأ كلامه عشان يتأكدوا إنه عايش بره الزمن، الكلام اللى قاله درويش مش بس بيأكد أنه جاهل باللى بيحصل حواليه، لا ده مغيب تماما، ولو فيه نصيحة رغم ان النصيحة خسارة فيه، هاقول له: اركن شوية على جنب، محدش فاضى لك فعلا».

بلاغ للنائب العام ضد الفنان

وفي ذات السياق، تقدم المحامي سمير صبري ببلاغ عاجل للنائب العام، ونيابة أمن الدولة العليا، ضد إيمان البحر درويش، حيث اتهمه فيه بالتحريض على الفوضى وإثارة البلبلة والرأي العام.

وقال «صبري» في بلاغه، إن إيمان البحر درويش هاجم على صفحته الشخصية تعامل الدولة مع أزمة السد الإثيوبي، معتبرا أن ما جاء بالمنشور الذي دونه، عبارات تثير الفوضى بالبلاد.