المخرج إسلام صلاح : طابور من ممثلين ومخرجين ومؤلفين ومساعدين إخراج وإنتاج ومهن فنية تعاني من نقص الدخل بسبب ظروف وتقلبات العمل
الموجز
تعليقاً على الأزمة المثارة بسبب هجوم مها أحمد على أبطال نسل الأغراب "السقا وكرارة" ، واتهام مها أحمد لزملائها بالتخلي عنها في ظل عدم اشتراكها في أعمال فنية منذ فترة طويلة .
كتب المخرج إسلام صلاح على صفحته على موقع فيس بوك يقول : الوضع الصعب والتوقف عن العمل لأسباب غير فنية إللي بعض المشاهير في مجال التمثيل وعلى فترات متباعدة أعلنوا وعبروا عنه على حساباتهم الشخصية، مش بس قاصر على الممثلين، ده طابور طويل جدًا جدًا من كافة العاملين في مجال الفنون والثقافة وخاصة ممن ليس لديهم أي دخل شهري ثابت أو مصدر آخر للرزق بخلاف المهنة الأساسية/ الموهبة.
طابور طويل من ممثلين ومخرجين ومؤلفين ومساعدين إخراج وإنتاج ومهن فنية مرتبطة بالصناعة زي المكياج والكوافير وعشرات عشرات البيوت المفتوحة تعاني من نقص الدخل بسبب ظروف وتقلبات العمل.
وتابع صلاح : مش كل إللي عاوز يشتغل عاوز يشتغل بس علشان يفرغ طاقة فنية مكبوته، في عشرات العشرات في حاجة للشغل علشان الحياة نفسها.
وأضاف : مش كل إللي بيتطلب منه مساعدة بيقصر علشان هو قليل الأصل ممكن جدًا يكون غصب عنه ومش عارف يساعد مين ولا مين ولا إزاي؟
الخلاصة ربنا يرزق كل محتاج بما يتمنى ويطلب، وربنا ما يحوج حد أبدًا لأي حد، وربنا يراضي كل صاحب طلب ويوسع رزق الجميع ويرزق من لا حيلة له، ويشفي كل مريض.