«خضعت لـ 7 عمليات» .. عمرو أديب: الوضع الصحي للإعلامية «إيمان الحصري» حرج
الموجز
قال الإعلامي عمرو أديب: "الوعكة الصحية لوائل الإبراشي طولت أوي وأنا بقوله إن المذيع جهاز تنفسي، وأنا عبارة عن منفاخ ومجرد صوت.. ولو صدري بيوجعني شوية أنا خلاص خلصت وانتهيت".
وتابع "أديب" خلال برنامج "الحكاية" المذاع على قناة "إم بي سي مصر"الفضائية،: "وائل الإبراشي تعب في صدره وبقوله إن شاء الله تتحسن وترجع وتبقى معانا؛ لأني أنا بحترم المذيع اللي أصله صحفي شاطر، ونتفق معاه أو نختلف لكنه متشاف وبيتسمع".
وأضاف: "بقولك شد حيلك يا وائل الإبراشي، وأنا وجمهورك مستنيك ومستعدين نعمل أي حاجة علشان نساندك، وهي دي أصول الكار لازم نقف بجانب أبناء كارك".
وعن الإعلامية إيمان الحصري، قال أديب: "شغلها دايمًا فيه تعب وبحث وأنا أحب أتفرج عليها، وكانت بتعمل عملية ولكن يبدو أن ليها مضاعفات وليها تطورات غير جيدة، واتعمل 7 عمليات علشان تضميد العملية الأولى".
وأكد الإعلامي عمرو أديب، أن الوضع الصحي للإعلامية إيمان الحصري حرج.