«برطمان المستردة عامل فيها مناضل».. عاصفة انتقادات ضد محمد هنيدي بسبب تغريدة دعا فيها للتضامن مع أهالي القدس
الموجز
تعرض الفنان محمد هنيدي لحملة انتقادات واسعة، بعدما أعلن عن تضامنه مع أهالي حي الشيخ جراح بالقدس.
وكتب هنيدي تغريدة عبر حسابه بموقع "تويتر" قال فيها: "وأنت قاعد دلوقتي مرتاح في بيتك افتكر أن في ناس بتتهجر وبتترمي في الشارع وبتسيب بيوتها ظلمًا وقهرًا".
وأضاف: "بيسيبوا أرضهم وذكرياتهم ومستقبلهم وعالمهم.. في وقت العالم كله ساكت ومتجاهل اللي بيحصل.. لازم نقف جنبهم ونوصل صوتهم للعالم كله.. انقذوا_حي_الشيخ_الجراح".
وانت قاعد دلوقتي مرتاح في بيتك افتكر ان في ناس بتتهجر وبتترمي في الشارع وبتسيب بيوتها ظلمًا وقهرًا .. بيسيبوا ارضهم وذكرياتهم ومستقبلهم وعالمهم .. في وقت العالم كله ساكت ومتجاهل اللي بيحصل .. لازم نقف جنبهم ونوصل صوتهم للعالم كله #انقذوا_حي_الشيخ_الجراح pic.twitter.com/WsBg6fB0dl
— Mohamed Henedy (@OfficialHenedy) May 8, 2021
وحصت التغريدة عشرات الآلاف من الإعجابات، وأكثر من 87 ألف تعليق، فيما أعاد نشرها عنه 43 ألف مشارك.
ولاقت التغريدة انتقادات واسعة من قبل متابعيه، أحدهم حساب يحمل إسم "السيسي زعيم وقائد مصر" قام بالرد على هنيدي بفيديو لمجموعة من المصلين بالأقصى "وهم يدعون على الرئيس عبدالفتاح السيسي"، بحسب قوله.
@OfficialHenedy محمد هنيدي تتعاطف مع الفلسطينيين بخصوص أحداث #الأقصى طيب حضرتك سمعت دعاء الفلسطينيين على الرئيس الزعيم #السيسي في المسجد الأقصى؟؟؟ لا تعاطف مع من يكرهون بلدنا وقيادتها pic.twitter.com/jFYMh3G9oh
— السيسى زعيم وقائدمصر (@yas33_elmasr75) May 8, 2021
وفيما يلي بعض من ردود الأفعال الغاضبة على تغريدة هنيدي وإعلان تضامنه مع أهالي القدس:
قاعدة مرتاحة فى بيتى عشان ولادى واخواتى ماتوا دفاعا عنى.. مش منة من حد ولا سبيل للمعايرة
قاعدة فى بيتى مرتاحة بأغلى ثمن ممكن يتدفع ولسه بيتدفع
محدش يزايد عالمصريين حتى لو مصرى!!!— Sarah@home (@Sarah_7485) May 8, 2021
صح .. هي حماس فين pic.twitter.com/gcSaCJ1AkT
— 🇪🇬ahmed fouad🇪🇬 (@Spirit74ahly) May 8, 2021
صدمتني فيك
— Dalia✨ (@Daliaali1222020) May 8, 2021
واحنا مالنا 😏 احنا قدمنا الكتير واترد لينا خيانه وغدر والصوره مش مؤثره
اللي اتأثر بيه ان اللقي الفلسطنيين رافعين سلاحهم في وش الاسرائلين وياخذو حقهم بأيديهم مايستنوش حد مننا احنا عندنا مصائبنا تكفينا— Magy tahon 🦋💞 (@magyy_hisham5) May 8, 2021
برطمان المستردة عامل فيها مناضل 😂😂😂
— Samy (@SElgergawe) May 8, 2021
#السيسي_اراده_الله_ثم_الشعب
سؤال لهنيدي
كم نفق تم حفره من غزه او من الضفه تجاه اسرائيل؟
كم عمليه هقول فدائيه قاموا بها في قلب اسرائيل؟
انت بقي عملت ايه لما الجنود اللي بيضحوا بارواحهم علشان تفضل مشخصاتي وتكسب ملاين وتنام مرتاح
عملت ايه لما الارهابين وصلوا من الانفاق لاغتيالهم؟— #السيسي_اراده_الشعب# (@anaelmasri2121) May 8, 2021
مصر بتدافع عن ارضها وعن حقوقها المائيه وعن تأمين حدودها وبخاصه الشرقيه والغربيه والفلسطينيين اولي بأرضهم
للعلم الفلسطينيين عندهم ثروات لاتعد ولا تحصي في بنوك امريكا وعندهم شباب يسدوا عين الشمس ..فلو ارادوا تحرير ارضهم هيحرروها— ليلي صالح (@NefertarySaleh) May 8, 2021
أكيد تقصد الناس دي يافنان !!! بس للاسف الناس دي مابتعرفش توجة سلاحها غير المصريين .... ياريت تتكلم عن شهدائنا !!! ولا ده مش من أولويااتك يافنان !!!!! pic.twitter.com/qQQ739Jt6C
— ehabelshafey (@ehabelshafey7) May 9, 2021
يشار إلى أن الفنان محمد هنيدي انتهى مؤخراً من تصوير فيلم "النمس والإنس" وهو من تأليف كريم حسن بشير، إخراج شريف عرفة، ويشاركه البطولة منة شلبي، صابرين، عمرو عبد الجليل، بيومي فؤاد، محمد ثروت، سليمان عيد، عارفة عبد الرسول، محمود حافظ، دنيا ماهر، محمد جمعة وشريف دسوقي.