’’مكنتش مصدقة إن فيه ناس حلوة كده”.. عارفة عبد الرسول تروي موقفا إنسانيا جمعها برانيا يوسف
كتب: ضياء السقا
روت الفنانة عارفة عبد الرسول، لفتة إنسانية جمعتها بزميلتها الممثلة رانيا يوسف.
وكتب عارفة عبر حسابها بالفيس بوك: "من كام يوم داخله التصوير لقيت زميلتى قاعده بتعمل شعرها وبتسمع فيروز قولتلها...سيدى ع المزاج الرايق انت مسجلاهم قالتلى...لا دى اذاعه الاغانى بتجيب فقره فيروزيه الساعه ٩ الصبح...قولتلها الله الله ع الجمال سالتنى عندك راديو قولتلها لا بس ممكن انزله ع الموبايل مش الراديو ممكن يجى ع الموبايل ابتسمت وسكتت".
وتابعت: "النهارده لقيتها داخله عليا براديو فخم فى علبه فخمه برضه واديتهول هديه...انا اتلخبطت مش عارفه ابكى ولا افرح ....طول عمرى بادلع اللى حواليا وقليقلين قوى اللى دلعونى...فعلا الفرحه لجمتنى مش عشان الراديو عشان ماكنتش مصدقه ان فيه ناس حلوه كده....بوست للمره المليون فى حب الست....رانيا يوسف".
وتصور الفنانة عارفة عبد الرسول حاليا الجزء الثاني من مسلسل "الآنسة فرح" الذي تشارك في بطولته إلى جانب رنيا يوسف وأسماء أبو اليزيد.
مسلسل "الآنسة فرح" بطولة أسماء أبو اليزيد، رانيا يوسف، أحمد مجدي، محمد كيلاني، عارفة عبد الرسول وهبة عبد العزيز وتامر فرج، سيناريو وحوار محمود عزت وعمرو مدحت، ومن إخراج أحمد الجندي ووائل فرج.
المسلسل مأخوذ من فورمات أجنبية وتدور أحداثه حول "فرح" جرسونة في إحدى الفنادق بجانب دراستها، تمر بحادث يغير مجرى حياتها. أما والدتها صغيرة في العمر لإنجابها فرح في أول حياتها؛ مما جعل فارق السن بينهما صغيرا.