شاهد| "حمزة نمرة" يبهر "السوشيال ميديا" بـ"داري يا قلبي".. ومشاهدات قياسية للكليب.. والمطرب يتصدر "جوجل"

الموجز
ثقافة وفن
2018-02-10 21:22

كتب: ضياء السقا

أبهر الفنان حمزة نمرة، الجميع بكليبه الجديد "داري يا قلبي"، وأصبح حديث السوشيال ميديا، في مصر، بعد ساعات من طرحه.

وكان حمزة نمرة قد طرح أغنيته الجديدة، على طريقة الفيديو كليب، من ألبومه الجديد "هطير من تاني"، عبر قناته الرسمية على موقع "يوتيوب".

الأغنية من كلمات محمود فاروق ومن ألحان حمزة نمرة وتوزيع كريم عبدالوهاب.

ويستعد نمرة لطرح ألبومه الجديد فى الأسواق قريباً، وسيضم 8 أغنيات، وسيكون أول إنتاج لشركته الخاصة التى أسسها مؤخرا.

وخلال ساعات قليلة حقق الكليب 1,345,556 مشاهدة على القناة الرسمية للفنان حتى الآن، فيما تصدر المطرب ترند محرك البحث الأشهر في مصر "جوجل"، كذلك جاء هاشتاج "#داري_يا_قلبي"، ضمن قائمة الأكثر تداولا على تويتر.

وأبدى مغردو تويتر إعجابهم بالكليب وكلماته، وأكدوا أن ما قدمه حمزة هو الفن الهادف والحقيقي، كما شددوا على أن الأغنية مؤثرة وحركت مشاعرهم لتضمنها معاني رائعة.

جانب من تعليقات السوشيال ميديا:

كلمات الأغنية:

مالك مش باين ليه؟
قلبك تايه من مدة كبيرة
خايف تتكلم ليه ... في عيونك حيرة وحكاوي كتيرة
متغير ياما عن زمان ... قافل علي قلبك البيبان
حبيت وفارقت كم مكان ...عايش جواك
احساسك كل يوم يقل ... وتخطي وخطوتك تذل
من كتر ما أحبطوك تمل ... فين تلقى دواك
بتودع حلم كل يوم ... تستفرد بيك الهموم
وكله كوم والغربة كوم ... والجرح كبير
مابتديش حاجة اهتمام ... أهلاً أهلاً ... سلام سلام
بقى طبعك قِلة الكلام ... ومافيش تفسير
داري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف
كل اللي معاك في الصورة غاب ... وطنك والأهل والصحاب
كم واحد ودع وساب ... من غير أسباب
شايف في عينيك نظرة حنين ... بتحن لمين ولا مين
طول عمرها ماشية السنين ... والناس ركاب
مع دقة عقرب الساعات ... بتموت جوانا ذكريات
عشمنا قلوبنا باللي فات ... ونسينا نعيش
كان مكتوب نمشي الطريق ... و نفارق كل مدى شيء

اتسرق العمر بالبطيء ... ورسي على مافيش
وداري داري ... يا قلبي مهما تداري
قصاد الناس ... حزننا مكشوف
وأهو عادي عادي ... ماحدش في الدنيا دي بيتعلق بشيء إلا و فُراقه يشوف

شاهد الكليب:

تعليقات القراء