«عملنا اللي علينا وزيادة».. داليا البحيري تعلن إصابة زوجها بفيروس كورونا

الموجز  

أعلنت الفنانة داليا البحيري عن إصابة زوجها رجل الأعمال حسن سامي بفيروس كورونا المستجد (كوفيد-19).

وقالت داليا البحيري، في منشو عبر صفحتها الخاصة على موقع التواصل الاجتماعي "فيس بوك": "أنا حبدأ بألف حمد وشكر ليك يارب، لأن أنا عارفة ومتأكدة إن إحنا عملنا اللى علينا وزيادة، حافظنا وقعدنا فى البيت، وعقمنا وطهرنا، وانتقدنا اللى نزل انطلق واتفسَّح، وأنا والحمد لله راضية جدا بقضاء ربنا سبحانه وتعالى، حسن جوزى وحبيبى طلع إيجابى كورونا فيروس، ربنا يشفيه ويعافيه يارب".

وأضافت داليا البحيري: "إحنا كلنا عملنا مسحات تحليل كورونا، أنا والأولاد، واللى بيساعدونا فى البيت، عشان نطمن، لأننا كنا مخالطين لحسن، وبإذن الله نعرف النتيجة بكرة بليل، وربنا يجيب العواقب سليمة يارب".

وتابعت الفنانة: "أنا بقول الكلام ده عشان أى حد لازم يعمل كده، لازم يقول، وبكل وضوح عشان الناس اللى كانت مخالطة ليهم يعرفوا، ويطمنوا على نفسهم، لأن دى أمانة، والمرض مش حاجة الواحد يخجل منها".

وكان زوج الفنانة داليا البحيري، رجل الأعمال حسن سامي، قد ناشد الأصدقاء والمقربين بالدعاء له بعد إصابته بفيروس كورونا.

وكتب سامي عبر صفحته الخاصة على موقع "فيس بوك"، قائلاً: "لقد اختبرت إيجابية Covid-19 الآن.. الحمد لله على كل شئ، حالتى كويسة جداً، دعواتكم مكونش نقلت العدوى لمراتى والولاد أهم حاجة.. اسألكم الدعاء.. أرجوكم بلاش اتصال، أنا كتبت البوست علشان أى حد تعامل معايا أو حد من القريبين منى يعرف مش أكتر".

وكانت وزارة الصحة والسكان قد أعلنت أمس، الأحد، تسجيل 1618 إصابة جديدة بفيروس كورونا، و91 حالة وفاة، بالإضافة إلى تعافي 402 وخروجهم من مستشفيات العزل والحجر الصحي.