سما المصري :"مع السلامة يا أفشل اتحاد كرة جه والقلب داعيلكم"
وجهت سما المصري رسالة للاعب كرة القدم الدولي المصري محمد صلاح، عبر صفحتها الشخصية بموقع "إنستجرام"، وذلك بعد خروج مصر من بطولة كأس الأمم الأفريقية بسبب الهزيمة أمام منتخب جنوب إفريقيا.
ونشرت سما صورة لمحمد صلاح هو يبكي بعد خروج المنتخب وكتبت: "ما تزعلش يا بطل معلش ما تعيطش دموعك غالية علينا إحنا شعب كده لازم أي حد ناجح نهد فيه ونفشله مهما عمل عشان كده إنت ناجح بره مصر.. ناس ما بترحمش".
وتابعت: "إنت وزمايلك رجالة بس تخاذلتم شوية عشان عشمنا فيكم كان أكبر من كده.. معلش.. تتعوض.. ومصر ماخسرتش مصر فازت بتنظيم بطولة كبيرة في وقت قصير جدًا، وفازت بجمهور كبير وعظيم ومحترم قدر يرجع الاستاد تاني".
وأضافت: "يا رب كل شباب الألتراس يرجعوا تاني الملاعب، ويملوا الدنيا تشجيع، منظرهم كان يفرح، ويشرح القلب إمبارح، وشكرا كابتن محمد فضل ع التنظيم، ومع السلامة يا أفشل اتحاد كرة جه والقلب داعيلكم".
وختمت: "أحسن حاجة حصلت إن الاتحاد ده استقال وأنا قلت إنهم لازم يمشوا بعد الخروج المخزي مبكرا من كأس العالم بس كله بأوان.. يا رب بأه منظومة رياضية جديدة تشرف البلد ونرجع لبطولات زمان والاتحاد ينضف.. ادعموا محمد صلاح".