كاملة أبو ذكري عن مبدأ يوسف الشريف: ’’ده اسمه دين جديد ولا إيه؟!‘‘

كتب: ضياء السقا

فتحت المخرجة كاملة أبو ذكري، النار على الفنان يوسف الشريف، إثر إعلانه أنه يشترط وضع بند في تعاقداته بعدم وجود مشاهد ساخنة في العمل.

وكتبت المخرجة، عبر صفحتها على موقع التواصل الاجتماعى فيسبوك: "لما يبقي في مشهد لحبيب بيحاول ينقذ حبيبته، والمخرج يقوله هتمسكها وتشدها علشان تبعدها عن طلقة الرصاص، يقوم النجم الفاضل يرفض إنه يمسكها، علشان هو ما بيلمسش الستات.. هي دي بقي المشاهد الساخنة اللي حضرتك بتتكلم عنها؟؟".

وأضافت كاملة: "ولما النجم يدعو الناس للصلاة وترك مشاهدة مسلسله أثناء موسم عرضه.. ده اسمه دين جديد ولا إيه؟؟ بالنسبه ليا ده اسمه نوع من أنواع الدعاية المبتذلة واستغلال أطهر شيء في الوجود لأغراض النجومية وزيادة عدد المشاهدات.. عايز ترضي ربنا في شغلك اختار مواضيع تنور عقل المشاهد أو تشرح قلبه".

وتابعت، قائلة: "تبقى عايز ترضي ضميرك وتقول في شغلك كلمة حق يمكن تبقي سبب إن ناسك يعيشوا أحسن.. والمجاهرة بالصلاة واستغلالها ده محرم في دينك".

وكان يوسف الشريف، قد أكد في حواره، مع الإعلامي رامي رضوان، على قناة "دي إم سي"، رفضه للمشاهد الساخنة والقبلات في الأعمال الفنية، موضحاً: "أنا مبستريحش خالص ودا مش لطيف بالنسبالي لما يبقى في مشاهد ساخنة أو قبلات في أعمالي، وبكتب دا في العقود، وده مش جديد، وبعمله من 10 سنين، ويهمني أوي إن المشاهد وهو بيتفرج ميضايقش من أي حاجة".

وأضاف: "نعم لجأت أني أضع هذة القيود في العقد الفني قبل امضائي عليه لكي أتجنب حدوث أي خلافات بعد بدء تصوير العمل"، مشيراً إلى أن تلك القيود عرقلت مشواره الفني، موكداً أن الأهم بالنسبة له هو "إرضاء الله سبحانه وتعالى".

تعليقات القراء