’’متشيلنيش همك‘‘.. خطيبة هيثم أحمد زكي تكشف تفاصيل آخر مكالمة بينهما

كتب: ضياء السقا

أعلنت إنجي سلامة خطيبة الفنان الراحل هيثم أحمد زكي، تفاصيل مكالمتها الأخيرة معه قبل وفاته.

وقالت إنجي عبرحسابها بالفيس بوك: "هيثم اخر حاجة قالها معايا عالتليفون لا اله الا الله واستغفر الله و قاللي قولي الحمد لله متشيلنيش همك".

 

وأضافت خطيبة الفنان الراحل: "انا بجمع صدقة جارية لهيثم احمد زكي لحفر بئر مياه في المنيا ومحطة تحلية مياه.. البئر هيتكلف 170 الف جنيه يا ريت كله يعمل شير وكلنا نساعد.. ده رقم تليفون المؤسسة اللي هتعمل البئر.. 0 106 674 4148".

وتابعت سلامة: "شكرا لكل الناس اللي بتكلمني واسفه اني مش برد بس اللي عايزله وعايزلي خير بجد ساعدوني اعمل الصدقة الجارية دي ليه دي اقل حاجة اقدر اعملهاله وادعوله كتير هو يستاهل كل حاجة حلوة وحب الناس اللي انا شايفاه ده و كم الدعوات والعمرة والصدقات علشان هو فعلا اطيب قلب.. ادعولي من قلبكم ربنا يصبرني ويجمعني بيه في الجنة و يسكنه الجنة بدون سابقة عذاب ولا عتاب ولا حساب".

وغيَّب الموت الفنان الشاب هيثم أحمد زكي، في الساعات الأولى لصباح الخميس، عن عمر 35 عاما، إثر هبوط حاد في الدورة الدموية.

وبدأ هيثم مشواره الفني عام 2006 عندما استكمل ما تبقى من مشاهد فيلم "حليم" بعد رحيل والده بطل الفيلم أحمد زكي، ليقوم في العام التالي ببطولة فيلم "البلياتشو"، ثم توالت أعماله الفنية انتهاء بمسلسل "علامة استفهام" في رمضان 2019، والذي يعد آخر أعماله.

 

 

تعليقات القراء